Desteya Giştî ya Hevbendiya Niştimanî ya Sûrî, îro duşemê, civîneke awarte bo gotûbêjkirina gurkirina leşkerî ya tawankarî li ser Idlibê û gundewarê Helebê ji hêla rijêma Esed û hevalbendên wê ve li dar xist. Û civîn bi rawestana kêliyekê bo rêzgirtina giyanê pakrewanan û xwendina Fatîheyê dest pê kir.
Û Serokê Hikûmeta Sûrî ya Demkî Ebdulrihman Mustefa û Wezîrên wê, di nav wan de Wezîrê Berevaniyê Emîd Hesen Hemade û nûnerên Artêşa Niştimanî, di civînê de amade bûn, herweha Rêveberê Yekîneya Hevrêzkariya Piştgiriyê Mihemed Hesno û endamê Desteya Rêveber a Berevaniya Sivîl Ehmed Yazcî û Serokê Desteya Siyasî li Idlibê Ehmed Elhisênat û endamên din ên Desteya Siyasî yên li Idlibê beşdar bûn.
Û Wezareta Berevaniyê ya Hikûmeta Sûrî ya Demkî, şiroveyek li ser pêşhatên dawîn yên meydanî û leşkerî û tevgerên li eniyên şer yên curbicur û ziyanên mirovî û madî yên ji encama êrişên leşkerî yên dijminkarî pêşkêş kir, û Wezîrê Berevaniyê tekez kir ku dijminkariyên berdewam ji hêla hêzên rijêmê bi piştgiriya hevalbendên wê, hejmarek ji bajar û bajarokên bakurê Sûriyê di nav wan de navendên girîng wek nexweşxane, navendên tenduristiyê, dibistan, û bazarên gelêrî armanc kirin.
Û Yekîneya Hevrêzkariya Piştgiriyê, raporek li ser rewşa mirovî û derbideriya çêbûye û operesyonên bersivdayînê li deverên armanckirî pêşkêş kir, û behsa arastekirina kar ber bi yekkirina karînan ji bo hevrêzkirina xebatên alîkariyê kir, û Berevaniya Sivîl ya Sûrî agahiyên nû derbarê karê xwe di bersivdana bobelata mirovî di encama bombebaranê de ji bo rizgarkirina birîndaran û piştgiriya derbideran û derxistina kesên di bin kaviland de mane pêşkêş kir, û herdu saziyan kurteşiroveyek li ser hewldanên ku hatine kirin ji bo dabînkirina navendên bicîkirina derbiderên ji deverên armanckirî reviyane pêşkêş kirin, û amadebûyan rêşûnên ku hatine standin bo bersivdana ziyanên van dijminkariyan û plana bo rûbirûbûna wan berçav kirin.
Û Serokê Hevbendiya Niştimanî Hadî Elbehra di civînê de diyar kir ku Hevbendiya Niştimanî kar li ser handana dewletên dost û bira dike ji bo civîneke awarte ya Encumena Ewlekariyê li dar bikeve, da ku dijminkariyên rijêmê yên li bakurê Sûriyê gotûbêj bike, û biryar û rêşûnên guncav bistîne, ji bo gurkirina leşkerî raweste û vegerin peymanên navdewletî yên berê, bi armanca cîbicîkirina biryarên Encumena Ewlekariyê 2254 û 2118, û amaje bi wê yekê kir ku danûstandin bi Hikûmeta Tirkiyê re derbarê pêşhatên meydanî û bizavên ku Enqere di nav giropa Astane de pê radibe berdewam in, ku têde Tirkiyê hişyarî daye ji bo agirbest û parastina jiyana sivîlan pêk were.
Û di heman çarçoveyê de, Elbehra pêwendî li gel Wezareta Derve ya Fransayê kir, ji bo gotûbêjkirina van xalan tevan, li gel mijarên din ên pêwendîdar û rewşa penaberên Sûrî yên li Libnanê. Û dê şandeke Hevbendiyê sibe sêşemê serdana Parîsê bike, û hevdîtinekê li gel aliyê Fransî li dar bixe, û hemû dosyayan gengeşe bike, û piştî vê serdanê dê hevdîtin li gel dewletên dost yên endamên herdemî di Encumena Ewlekariyê de û dewletên din ên endam re pêk werin, ji bo pişta daxwazên Hevbendiyê bigirin derbarê lidarxistina civîneke awarte ji Encumena Ewlekariyê re, da bilindkirina asta alîkariyên Netewên Yekbûyî ji van deveran re pêk were.
Û Serokê Desteya Danûstandinê ya Sûrî Bedir Cemûs, behsa hewlên Desteyê di warê pêwendiyên herêmî, erebî û navdewletî de kir, ku têde bang li Netewên Yekbûyî, Komkara Erebî û dewletên xwedî bandor di dosya Sûriyê de hate kirin, ji bo şermezarkirina gurkirina leşkerî li ser bakurê Sûriyê û êrîşa li ser sivîlan yekser bête rawestandin.
Û Hevbendiya Niştimanî ji civaka navdewletî xwest ku biryar û rêşûnên lezgîn û piratîk bo rawestandina komkujiyên dermafê gelê Sûriyê bistîne, û piştgiriya hewlên ku Hikûmeta Demkî û saziyên Sûrî yên dîtir pê radibin bo bersivdayîna bobelata mirovahî bike.
Jêder: Ofîsa Ragihandinê ya Hevbendiya Niştimanî ya Sûr
