Tîma Hevrêzkarên Bersivdanê, êrîşên dijminkarî yên hêzên rijêma Esed û hevalbendên wê yên Îranî û Rusî li ser deverên bakurê rojavayê Sûriyê û berdewamiya binpêkirinan li deverê, yên ku bûne sedema ketina qurbaniyên sivîl, şermezar kir.
Û Hevrêzkarên Bersivdanê di daxwiyaniya xwe de got ku armanckirina bimebest ji avahiyên xizmetguzariyê li bakur rojavayê Sûriyê re, beşek ji stratîjiya leşkerî ya pilankirî ye, da ku jêrxaneya sivîl wêran bike, û niştecihan neçarî derbideriyê bike.
Û raporê tekez kir ku berdewamiya operasyonên dijminkarî li ser deverên bakur-rojavayê Sûriyê, dê bibe egera derketina pêleke nû ji derbideriyê û zêdekirina derbiderî û awarebûna navxweyî bi awayekî mezin, hevdemî hatina werza zivistanê.
Û daxwiyaniyê daxwaza karkirina ji bo rawestandina binpêkirinan û kiryarên dijminkarî yên ku rijêm û Îran û Rusya li deverê pê radibin, û standina rêşûnên yekser û cidî bo rawestandina wan dijminkariyan, ji tevaya aliyên kartêker û desteyên navdewletî kir.
Û raporê bang li hemû saziyên mirovî yên li deverê dixebitin kir, ku vegerin kar ji bo curbecur deveran, û xebatên mirovanî bo sivîlan vegerînin, nemaze li deverên derbideran.
Û Hevrêzkarên Bersivdanê daxwaza vekirina lêpirsîna navdewletî ya berfireh û tam û bêalî û zelal derbarê tawanên dawîn ên ku ji hêla rijêma Esed û Rusya û Îranê ve pêk hatine kir.
Jêder: Ofîsa Ragihandinê ya Hevbendiya Niştimanî ya Sûr
