Serokê Hevbendiya Niştimanî ya Sûrî Hadî Elbehra, nameyeke fermî radestî Nûnera Taybet a Fransî bo Sûriyê Balyoza Firansayê Brigitte Corme kir, da bighîne Wezîrê Derve yê Fransayê, û têde ji dewleta dost Fransayê xwestiye ku hewlên xwe ji bo lidarxistina civîneke Encumena Ewlekariyê ya ser bi Netewên Yekbûyî ve bike, da ku biryar û rêşûnên pêwîst ji bo rawestandina êrîşan û gurkirina leşkerî li ser Idlib û gundewarê Helebê bistîne, wek yek ji dewletên endamên herdemî di saziya navdewletî de.
Û Cîgirên Serok Ebdulmejîd Berekat, Dîma Mûsa, û Hevrêzkarê Ofîsa Pêwendiyên Derve Ebdilehed Istêfo, û endamê Desteya Siyasî Zuhêr Mihemed, û Nûnerê Hevbendiyê li Fransa Nûr Eldîn Ellebad hevaltiya Serokê Hevbendiya Niştimanî kirin.
Û amadebûyan hejmarek ji babetên girîng di dosyaya Sûriyê de û di pêşî de gurkirina leşkerî ji aliyê rijêmê ve li Idlibê û gundewarê rojavayê Helebê û rewşa penaberên Sûrî li Libnan û dewletên cîhanê gengeşe kirin.
Û ev kar di serdaneke fermî de hat, ya ku Hevbendiya Niştimanî bo Parîsa Paytexta Firansayê pê radibe, ji bo hejmarek ji civînan li gel berpirsên Wezareta Derve ya Firansayê li dar bixe, û dawîtirîn pêşketinên derbarê berdewamiya rijêmê û piştgirên wê di helmetên leşkerî yên dijminkarî de li bakurê Sûriyê û armanckirina sivîlan û nexweşxane û dibistanan gotûbêj bike.
Jêder: Ofîsa Ragihandinê ya Hevbendiya Niştimanî ya Sûrî
