Rêxistina Brîtanî “Save the Children” hişyarî da ku êrîşên li ser bakur-rojavayê Sûriyê jiyana zarokan dixe metirsiyê de, û bal kişand ser ku berdewamiya girtina dibistanan bi awayekî berfireh, gefê li xwendin û paşeroja bi hezarên zarokan dike.
Û Rêxistina têkildarî mafên zarokan, li ser zimanê hejmarek ji dê û bavan, got ku “nîşanên pirsgirêkên derûnî yên kûr li ser zarokên me diyar dibin”piştî êrîşên hêzên rijêma Esed û Rusya li ser parêzgeha Idlibê di rojên dawî de.
Û Rêxistinê bal kişand ser ku wê kuştina ne kêmtir ji 17 zarokan di wan êrîşan de belge kiriye, û di wan êrîşan de bi sedan kes di pênc rojan de birîndar bûne.
Û Rêxistinê destnîşan kir ku dibistan li seranserî bakurê rojavayê Sûriyê ji bo demeke nediyar hatin girtin, û ne kêmtir ji deh dibistanan bi awayekî netam an jî tam ji encama wan êrîşan ziyan gihaye wan.
Û di heman çarçoveyê de, Berevaniya Sivîl a Sûrî di raporeke xwe de anî ziman ku 10 navendên perwerdeyê, 9 dibistan û avahiyeke rêvebiriya perwerdeyê rastî êrîşan hatin.
Û Berevaniya Sivîl tekez kir ku rijêma Esed û Rusya 148 êrîşên bi topxane û mûşek û balafiran pêk anîn, ku têde bisedan top û mûşek hatin bikaranîn, di nav wan de 7 êrîşên asmanî yên Rusya bûn, û 59 êrîşên bi mûşekan û 74ên bi topxaneyan, her wiha 4 êrîşên bi mûşekên ku cebilxaneyên şewtandinê, yên li ser asta navdewletî qedexekirî di wan de hene, pêk hatin, û êrîşek bi mûşekên zemîn-zemîn ên ku bi çekên goşeyî yên qedexekirî barkirî bûn pêk hatin.
Û Hevbendiya Niştimanî ya Sûrî berî bi demekê di daxwiyaniyeke xwe de, hişyarî dabû ku berdewamiya operasyonên gurkirina leşkerî û êrîşên bi mûşekan û bikaranîna rijêmê ji çekên qedexekirî li ser asta navdewletî re, bi awayekî rasterast jiyana zêdetir ji çar milyon sivîlî dixe metirsiyê de, û dibe sedema zêdebûna pêlên derbideriyê û qeyranên ku pêre çêdibin di dema em nêzîkî zivistanê dibin de.
Hevbendiya Niştimanî ji Netewên Yekbûyî û Encumena Ewlekariyê ya bi ser wê ve, û civaka navdewletî, û bira û dost û dewletên kartêker, xwestibû ku bi awayekî bilez destwerdanê bikin, ji bo rawestandina gurkirina rijêma tawankar li ser gelê me li Idlib û gundewarê Helebê, û pêşkêşkirina alîkariyên pêwîst bo nehiştina çêbûna bobelateke mezin a nêzîk li dijî sivîlan.
Jêder: Ofîsa Ragihandinê ya Hevbendiya Niştimanî ya Sûrî
