Serokê Hevbendiya Niştimanî ya Sûrî Hadî Elbehra û endamên Desteya Siyasî û ya Giştî, li gel berpirsên karûbarên Dêra Mar Tûma Elresûl li bajarê Serê Kaniyê li gundewarê Hesekê civiyan.
Û endamên Desteya Siyasî Ebdulehed Istêfo, Ebdulbasit Ebdulletîf û Mihemed Elî Îsa û Endamê Hevbendiyê Hisên Elre’ad û Wezîrê Çandiniyê di Hikûmeta Sûrî ya Demkî de Hayil Elkeleş hevaltiya Serokê Hevbendiyê kirin.
Û Berpirsên dêrê li ser pêwîstiya parastina malûmilkên derbideran û alîkariya welatiyan di karûbarên çandiniyê de û peydakirina keresteyên sereke axivîn, ji ber ku dahata bingehîn û piştbestina xelkê deverê di pileya yekem de li ser çandiniyê ye, da ku derengmayina di berhemdana çandiniyê de ji ber derengiya hatina keresteyan dubare nebe.
Û amadebûyan behsa ketwarê tendirustiyê li bajêr û pêwîstiya baştirkirinê kirin, her weha rewşa debara jiyana niştecihan û rêyên çakkirina rewşa kesên ku vedigerin deverê gotûbêj kirin.
Û Şanda Hevbendiya Niştimanî, tekezî li ser pêwîstiya parastina pêkvejiyana aştiyane di navbera curbecur mezheb û komên cuda yên ku li Sûriyê dijîn de kir, Sûriya ku bi hemerengiya xwe ya olî û netewî dewlemend e, û parastina pêkvejiyana aştiyane di nav xelikên civakê de.
Jêder: Ofîsa Ragihandinê ya Hevbendiya Niştimanî ya Sûrî
