Serokê Desteya Danûstandinê ya Sûrî Bedir Cemûs, beşdarî di kongirê çaksazkirina hilbijartinan li Sûriyê de kir, yê ku ji aliyê rêxistina “Roja Dahatî ” ve hatiye lidarxistin, û 70 kes bi awayekî fîzîkî û serhêlî têde beşdar bûn, pisporên mafnasiyê û yasanas û kartêkerên di dosyaya Sûriyê de di nav wan de hebûn.
Û di kongir de amadekarên rapora “Çaksazkirina Hilbijartinê û Pêvajoya Veguhestina Demokratîk li Sûriyê” ya ku ji aliyê rêxistina “Roja Dahatî “ve di Îlona 2022an de hatiye derketin, beşdar bûn.
Û amadebûyên kongir, di encamê de hejmarek ji pêşniyaran pêşkêş kirin ji bo giheştina proseyeke helbijartinê ya pak û bêalî ya ku beşdariya tevaya sûriyan di qonaxa veguhêz de ya ku di biryara 2254 ya Netewên Yekbûyî de ya sala 2015an de hatiye destnîşankirin garantî bike.
Û beşdarên kongir hejmarek ji babetan gotûbêj kirin, ji wan çarçoveya yasayî ya ku hilbijartinên Sûriyê rêkûpêk dike, her wiha misogerkirina rastî û duristiya nûneratiyê bi rêya sîstema hilbijartinan û dabeşkirina navçeyan, proseya birêvebirina hilbijartinên Sûriyê û piştgiriya wê ji aliyê Netewên Yekbûyî ve, ji bo misogerkirina bêalîbûna hilbijartinan, û xurtkirina beşdariya siyasî ya jinê û partiyan û kesên li derve di hilbijartinan de.
Û di axaftina xwe de Serokê Desteya Danûstandinê ya Sûrî Bedir Cemûs, tekez kir ku wê Deste karê xwe yê li gel Netewên Yekbûyî berdewam bike, ji bo livandina herçar sepetên dosyaya Sûriyê yên ku şanderê Navnetewî yê berê De Mistura bi nav kirine, di nav de sepeta Desthilatdariyê, Komîteya Destûrî û sepeta Hilbijartinê û yên din.
Û Camûs mixabiniya xwe derbarê rewşa niha ya Netewên Yekbûyî anî ziman, ji ber hişt ku rijêm proseya siyasî kontrol bike, bi riya girêdana berdewamiya wê bi beşdariya xwe di danûstandinan de.
Û Camûs got ku danîna ji sedî 80ê ji yasayên ku divê kar li ser bibe derbarê hilbijartinan bidawî bû, û bal kişand ser ku Komxebatên taybet bi Komîteya Hilbijartinan her heyv berdewam dikin, û piştre jî agahiyên ku ji aliyê wê ve tên derxistin bo Desteya Danûstandê tên şandin, ji bo lêkolînkirin û gotûbêjkirina wê bi aliyên din re, û piştraskirina wê bi Komîteya Hilbijartinan re, da bigihêje pirojeya hilbijartinê ya ku Deste bikaribe di danustandinên fermî de li gel rijêmê yan Netewên Yekbûyî deyne ser maseyê.
Û ramana Kongir li ser bingeha biryara 2254 a sala 2015an ne, ya ku nexşerêyek ji bo veguheztina demokratîk li Sûriyê xêz kir, û piştgiriya xwe ji bo hilbijartinên azad û pak li gorî destûra nû di heyama 18 heyvan de ku bi serpereştiya Netewên Yekbûtî pêk were piştrast kir, ku divê pêdiviyên hikumdariyê û bilintirîn pîvanên navdewletî di warê zelalî û lêpirsînê de destnîşan bibin, û hemû Sûriyên ku mafê wan ê beşdarbûnê heye di nav wan de yên ku li welatên penaberiyê dijîn, dihewîne.
Jêder: Ofîsa Ragihandinê ya Hevbendiya Niştimanî ya Sûrî
