Çalakvanin xwecihî li parêzgeha Deraa duhî înê anîne ziman ko di operasiyona rakirina wêraniyên malekê li bajarokê Qirfa, pêmayê komkujiyeke komel ko hestiyên miriyan e hatine dîtin, tê texmînkirin ko ew yên girtiyin berê ne ji xelkên bajêr, milîtanên rêjîma Esed berî çend salan ew kuştine.
Çalakvanan anîne ziman ko xaniyê malbata Hisên Elsalih, ya ko sala 2014ê hate teqandin, texmîn hene ko mal tevlî girtiyên têde peqandine.
Acansa Simart ya xwecihî ji jêderin meydanî anî ziman ko hêzin bi ser serokê Ewlehiya Siyasî yê berê Ristem Xezalê ve mal ji xwe re kiribûn girtîgeh, û sala 2014ê ew peqandine û girtî li jêra avahiyê bûn, ko bêtir ji 25 kelaxan in, ji wan jin ji xelkên bajêr in.
Jêder ji acansê re got ko xwedanê malê û xelkên bajêr gava mal dirist dikirin goristana komel dîtin, rêjîmê dorpêçeke ewlehiyê li dorê çêkirin û nehiştin xelk nêzîk bibin û nehiştin xwedanê malê mala xwe dirist bike.
Tê destnîşankirin ko peymaneke lihevkirinê di tîrmeha 2018ê de bi kotekî çêbû, û hişt xelk li herêmên xwe vegerin, tenê hinek ji xelkên gundê Qirfa lê vegeriyan ji tirsa tolhildanê
Bajarokê Qirfa cihê zayîna Ristem Xezalê ye, tê de dezgeheke ewlehî û leşkerî ji çend kesên zilamên xwe çêkiribû, vê dawiyê navê Şebîhên Ristem li wan bibû, û operasiyona yekem ko Şebîhên Ristem di cehzerana 2013ê derheqê malbata Elxetîb de pêk anîbûn, sê zilam û zarokek di hindirê malê de kuştin.
Jêder: Ofêsa Ragehandinê ya Hevbendiya Niştimanî
