Roj bi roj jiyan li parêzgeha Hesekê zehmetir dibe, û peydakirina kelûpelên jiyana rojane bi zehmetî dibe, û di vê navê de welatiyên parêzgehê zehmetiyan dikşînin.
Nizmbûna nirxê lîreya Sûrî li hember diravên biyanî û bi taybet Dolar, kirîzeke mezin li cem welatiyan afirandiye ji ber ku rojane nirxê kelûpelan bilind dibe, li gor agahiyên peyamnêrê malpera Hevbendiyê li Hesekê ku diyar kir nirxê tevaya pêwistiyên welatiyan rojane bilind dibe, û ji ber wê yekê jiyan zehmet dibe.
Kawa Hisên welatiyek ji bajarê Hesekê ye, ji peyamnêrê me re ragihand ku bilindbûna Dolar bûye kirîza sereke di jiyana wan de û bi taybet di vê havînê de ku gihştiye 600 lîreyî .
Hisên berdewam kir û got ku roj bi roj nirxê keresteyan bilind dibe û dema em ji firoşkaran di pirsin bersiva wan amadeye û dibêjin sedem nirxê Dolar e .
Derbarê vê kirîzê û sedemên wê Jivan Mihemed pisporê abûriyê ji malpera me re diyar kir ku sedemên sereke dorpêça li ser rêjîma Eseed e bi taybet ser pitrolê.
Mihemed bal kişand ser ku piştî dorpêçê ji hêla Emerîka û hin welatên din ku nahêlin petrola Îranî di riya kenala Siwês bighêje rêjîma Eseed, rêjîm neçar dibe ku petrolê di riya bazirganan re peyda bike, û tevaya wê kirînê bi Dolar e, ji ber wê yekê rêjîm herdem pêwistiya wê bi Dolar heye û ji bazaran dikşîne .
Tê zanîn ku di heyva Temûza 2019 de nirxê Dolarê Emerîkî li parêzgeha Hesekê gihştiye zêdî 600 lîreyên Sûrî.
Jêder: Ofîsa Ragihandinê ya Hevbendiya Niştimanî
