Diyardeya teqînên bi riya motosîklên bumbekirî li bajarê Hesekê berdewam e, û para roja yekşemê, 4 heyva tebaxa 2019 , Sê teqîn bûn.
Peyamnêrê malpera Hevbendiyê ragihand ku roja yekşemê li bajarê Hesekê Sê motosîklên bumbekirî hatin teqandin, yek ji wan li bazara şînahî li nava bajêr, û herduyên din li taxa Neşwa û Xiwêran bûn.
peyamnêrê me diyar kir ku ji encama teqînan sê zarok li taxa Neşwa birîndar bûn, lê ziyanên teqînên bazara şînahî û ya taxa Xiwêran bi tenê darayî bûn.
Peyamnêrê me bal kişand ku hersê zarokên birîndar ji bo nexweşxaneyên bajêr hatin veguhestin, û rewşa wan aram e.
Tê zanîn ku teqînên di riya motosîkl û otombîlên bumbekirî re li bajarên Hesekê û Qamişlo di vê havînê de berdewam in .
Jêder: Nivîsgeha Ragihandinê ya Hevbendiya Niştimanî
