Serokê Hevbendiya Niştimanî ya Sûrî Enes Abda, îro li Enqerê bi wezîrê derve yê Tirkiyê Mewlut Çawişoglu re civiya. Civîn li ser pêwîstiya rawestandina tawankariya Rûsya û rejîma Esed li ser Idlib û gundewarê bakurê Hemayê bû.
Abda daxwaza giringiya bizavên dîplomasî û siyasî ji Tirkiyê kir, wek yek ji garantorên rêkeftina kêmkirina şer, ji bo rawestandina kampanya leşkerî ya ku ji hêla rejîma Esed û Rûsya ve, û bal kişand li ser encamên karesatê di dema berdewamiya êrîşan li ser bajar û gundên bakur.
Şandeya Hevbendiyê ya ji Serokê wê Abda û cîgirên Serok û Sekreterê giştî yê Hevbendiyê pêk hatibû, encamên bobelatî yên kampanya leşkerî li ser bakurê Sûriyê ya bûye sedema şehîdketin û birîndarbûna bi hezaran û derbuderbûn û koçberbûna bi sedhezarên mirovan, yên li çolan mane bêyî hebûna kêmtirîn pêdawîstiyên sereke şirove kirin.
Herweha nêrîna herdu aliyan hatin gotûbêjkirin, ku têde xalên hevbeş hebûn li ser devera ewle ya çavrêkirî ye bihête duristkirin li bakurê rojhilatê Sûrîyê.
Wezîrê Tirkiyê tekezî li ser piştevaniya Tirkiyê ji bo gelê Sûriyê û şoreşa wê kir, û herweha li ser giringiya xebata hevbeş jibo parastina Idlibê û rawestandina êrîşên li ser, û bal kişand ku dîtina çareseriyek siyasî li Sûriyê yek ji karê sereke yê Tirkiyê ye.
Serdana wezîrê derve yê Tirkiyê tê wek beşek ji bizavên dîplomatîk yên lezgîn ji alîyê Hebendiyê ve ji bo rawestandina kampanya leşkerî û tawanên rejîma Esed û hevalbendên wê Rûsya û Iranê li dijî gelê Sûriyê.
Jêder: Ofîsa Ragihandina Hevbendiya Niştimanî Sûrî
