Zarokek şehîd bû û heşt sivîl birîndar bûn piştî rojekê ji topbarana li ser gundewarê Idlibê, ji hêla rejîma Esed û Rûsya bi 38 êrişên asmanî, 80 bermîlên teqîner û 324 topên hewanê, di nav de 22 gund û bajarok li gundewarê Idlib.
Parastina Sivîl ya Sûrî îro ragihand ku zarokek hate kuştin û pênc kesên din, di nav de jin û zarok, birîndar bûn bi êrîşeke asmanî li ser gundê “Beşiriya”, di heman demê de sê sivîlên din jî birîndar bûn ji ber êrîşên balafirên şer bi rokêtên arastekirî li ser bajarê “Seraqib” li gundewarê Idlib.
Ev yek tê piştî ku bombebarana hêzên rêjîmê û Rûsya ya duh, bû sedema şehîdkirina çar sivîlan û birîndarbûna bîst kesên din, di nav wan de du zarok û çar kesên din jî birîndar bûn, di encama bombebarankirina balafirên şer yên Rûsî li ser derdorê bajarokê “Benin” li başûrê gundewarê Idlib.
Herweha mirovek li bajarokê “Ma’rşmarin” hate kuştin, û çar kesên din birîndar bûn, di nav de du jin ji gundê el-Xedfa, û çar kes û jinek ji gundê “Tilmins” birîndar bûn, û mêr û jinek li “Dêr al-Şerqî” û jinek ji “Al-hebla” û car sivîlên din di nav de du zarok û jinek birîndar bûn, bi sedema bombebarana balafirên şer yên rêjîma Esed li ser bajarokê “Cernaz” başûrê rojhilatê Idlib.
Pêvajoya topbaranê li ser deverên kêmkirina zêdegaviyan berdewam dike, piştî ku kampanyaya leşkerî ya rejîma Esed û Rûsya ket di meha xwe ya çaremîn de, û li gorî amarên tîmên parastina sivîl ku di dema kampaniya leşkerî de zêdetir ji 1900 xalan hatine topbarankirin.
Jêder: Ofîsa Ragihandina Hevbendiya Niştimanî Sûrî
