Rêxistinên Mafên Mirovan li Efrînê roja sêşemê 20/8/2019 ragihandin ku çekdarên PYDê çar welatiyên Kurd radestî hêzên Ewlekariya Rêjîmê kirin li Helebê.
Çalakvan Mihemed Hesen ji malpera me re ragihand ku çekdarên PYDê çar welatiyên Kurd yên bi navê Xelosî Mihemed ji bajarokê Racoye, Ebdulrehman Receb ji gundê Hemamê ye yê bi ser bajarokê Cindirêsê ve ye, Ezo Xalid Reşîd ji bajarokê Mabetaye, Mihemed Ehmed Xelîl ji bajarokê Şiyê, radestî hêzên Ewlekariya Rêjîmê kirin li Helebê
Hesen diyar kir ku piştî herçar welatiyan xwestin zarokên xwe ji nav hêzên PYDê yên leşgerî bikşînin û vegrin Efrînê ji aliyê hêzên PYDê ve hatin girtin.
Her wiha Hesen tekez kir ku piştî demekê hêzên PYDê her çar welatiyên Kurd radestî hêzên Ewlekariya Rêjîmê kirin li Helebê.
Hesen balkişand ku hêzên PYDê herçar radestî Ewlekariya Leşgerî kirin û wan di riya xwe re radestî Ewlekariya Siyasî kirin li Helebê
Rêxistinên Mafên Mirovan dibêjin ku çekdarên Partiya Yekîtiya Dîmuqrat PYDê û rêjîma Esed û milîsên Îranê ta niha rê nadin xelkên Efrînê yên li kampan ku vegerin ser malên xwe.
Jêder: Nivîsgeha Ragihandinê ya Hevbendiya Niştimanî
