Herdu encûmenên bajarên Keferzêta û Latamna bersiva medya rejîma Esed dan, li ser vekirina kirîdoreke mirovî li bakurê Hemayê ji bo derxistina “sivîlên dorpêçkirî” ji herdu bajaran, li gorî medya rejîmê, ku herdu encûmenan hebûna sivîlan red kirin, ji ber ew ji ber bombebarana hêzên rejîmê û milîsên wê reviyane.
Encûmena bajarê Kefrzita daxuyaniyek belav kir û têde got ku “rejîma Esed gotiye ku wê deriyek mirovî li bajarê Soran, li bakurê Hema, ji bo derxistina sivîlên asê li bajêr vekiriye, di heman demê de em piştrast dikin ku li vî bajarî ti sivîl nînin û ev bajar her ji sala 2011’an ve ji aliyê rejîmê û hevalbendên wê berdewam hatiye topbarankirin, û zêdetirî 90% ji tax û binesaziya bajarê wêran bûye”.
Daxuyaniya Encûmenê lê zêde kiriye ku “dumahîk kes ji berî çend rojan ji bajêr derket di dema nêzîkbûna hêzên rêjîmê û şebîhên wê yên tawankar ji bajar”, û tekez kir ku “şanoya rejîmê ya kirîdora mirovî, bi anîna hin kirêgirtiyên rejîmê yên bajarê Hemayê çêbû, ji bo rewatiyê bide pîlanên xwe “.
Di heman demê de, encûmena bajarokê Latamna daxuyaniyek hevşêwe belav kir, têde ragihand ku ti sivîl di bajêr de nînin, ku 30,000 kes her ji sala 2011’an ve karwan karwan ji bajêr reviyane ji ber êrîşên berdewam ji hêla rejîma Esed û alîgirên wê ve li ser bajêr, ku di encamê de zêdetir ji 95 % Ji mal û dezgehên giştî hatine topbarankirin.
Xwecihiya Latamina tişta rejîma tawanbar dibêje bi “şano” da zanîn, û di daxuyaniya wê de hat: ” şanoya ji alîyê rêjîmê tê çêkirin ew e ku rejîm şebîhên xwe ji Hemayê tîne li nava bajêr, û ew bi tenê xelekek ji zincîra derew û fêlbaziyê ye, wek hewldan ji bo rewakirina planên xwe “.
Xwecihiya Keferzêta di daxuyaniya xwe de ku li ser rûpela xwe ya Facebookê belav kiriye, bang li xelkê Kaferzêta, Latamneh, Morak û hemû azadîxwazên Sûriyê kiriye, ku bi grev u xwepêşandanan rabin li pêşberî balyozxaneyên Amerîka û Rusya ji bo redkirina radestkirina deverên rizgarbûyî ji bo rejîmê.
Herdu encûmenan daxwaz kirin ku garantorê Tirk li gorî berpirsiyariyên xwe yên berê derkeve, û sozê bide ku hêzên rêjîmê li deverê nahêlin, û her rêkeftinekê derbarê radestkirina bajarên xwe ji bo rejîma Esed red dikin.
Jêder: Ofîsa Ragihandina Hevbendiya Niştimanî Sûrî
