Hevrêzkarê karûbarê mirovî yê Netewên Yekgirtî, Mark Lokok, duh pêncşemê, di gotina xwe de ya li encûmena ewlehiyê derbarê Sûriyê, got ku bajarin bi tekûzî li herêmên kêmkirina şerî wêran bûne.
Lokok bêtir got ku gihiştina xelkên Idlibê tenê di rêya sînor re ye, û bal kêşand ser ku çi behane ji bo wê yekê nîn e.
Encûmena ewlehiya navdewletî duhî li raportên derbarê rewşa mirovî ya aloz li Sûriyê, û pêşketinên navgîniya siyasî ya ko şandyarê Netewwên Yekgirtî Ger Pederson pê rabû guhdarî kir.
Diblomasiyên rojavayî bal kişandin ser gengeşeyên vê hefteyê yên li Encûmena ewlehiyê derbarê pirojeyê agirbestê yê ji destpêşxeriya sê dewletan bû, Kiwêt, Elmanya û Belcîka.
Tê destnîşankirin ko pirojeyê biryarê, li gora diblomasiyan, daxwaza agirbestê û rawestandina êrîşan li ser bargehên bijîşkî li herêma bakur-rojavayê Sûriyê kiriye, û bang daye aliyên kartêker ji bo tîmên bijîşûkî û sivîlan biparêzin.
Berê jî Netewên yekgirtî daxwaza agirbesteke yekser bo Idlibê ya ko ketiye ber operasiyoneke mezin ji hêla rêjîmê û Rûsya kiribû, û berdevkê netewên yekgirtî Steven Dugarik roja duşembê daxwaz kir ko peymana agirbestê cîbicî bibe.
Raporta meydanî ya yekîniya hevrêzkariya piştgiriyê aşkere kir ko kampanya leşkerî ya hêzên rêjîmê û rûsya ji destpêka adara 2019an heta dawiya vê mehê hişt ko hin herêm bi sedema bombebaranê vala bibin.
Hevbendiya Nişûtimanî dibîne ko amanckirina rêjîmê û Rûsya ji malên sivîlan û bargehên zindîdar re, ne ji ber xwe ve tê, lê ew rêbaza rêjîmê û hevalbendên wê ye, ji bo sivîlan têkin ber du bijardeyan, yan wê xwe radest bikin an jî koçber bibin.
Jêder: Ofêsa ragehandinê ya hevbendiya niştimanî/ Acans
