54 welatan daxuyaniyeke hevbeş belav kir û têde kuştin, êşkence û kiryarên xirab ên li dijî girtiyan di zindanên Esed de şermezar kirin, û daxwaza çareseriyeke siyasî ya berdewam li Sûriyê li gor biryara 2254 ya Encûmena Ewlekariyê kirin.
Ev yek di daxuyaniya hevbeş de hat ku ji aliyê diyaloga înteraktîf ve li gel Komîsyona Lêkolînan a Neteweyên Yekbûyî ya derbarê Sûriyê hat weşandin, tê de daxuyaniyê “karê berdewam ji aliyê Komîsyona Vekolînan ve tê kirin û ronîdana li ser girtina berfireh a sîstematîk a kotekî an nerewa û zêdegavî û binpêkirinên têkildar ” bilind nirxand, û tekez kir ku mîkanîzma navdewletî ya bêalî û serbixwe li Sûriyê, ” girîng e ji bo dabînkirina dadpirsînê.”
Daxuyaniyê “xemgîniya xwe anî ziman li ser wê yekê ku bi deh hezaran Sûrî tûşî girtina kotekî û azolekirinê hatine”, û bal kişand ser raporên derbarê êşkence û awayên serederiya xerab, di nav de tundûtûjiya sêksî û tundûtûjiya li ser bingeha pêkhateya civakî bi awayekî cihê nîgeraniyê ku ta niha jî berdewam e.
Daxuyaniyê bang li rêjîma Esed kir ku ” kiryarên bi vî rengî rawestîne, sûriyên bi kotekî girtîne serbest berde, çarenivîsa windayan eşkere bike, û gihandina wan bo rêxistinên serbixwe û mirovî yên ku rewşê dişopînin dabîn bike, û berpirsyaran siza bike.”
Welatên îmza kirine tekezî li ser daxwaza ” dîtina çareseriyeke siyasî ya domdar a berfereh ji bo Sûriyê li gorî biryara Encumena Ewlekariyê ya hejmar 2254″ kirin.
Hevdem Tora Sûrî ya Mafên Mirovan raportek derbarê kesên binçavkirî li Sûriyê belav kir, tê de 1236 rewşên girtinê li Sûriyê di nav wan de 56 zarok û 30 jin di nîvê yekem ji îsal de belgeh kirine.
Torê diyar kir ku 126 kes ji wan hatine belgekirin, piştî vegerandina bi zorê ya penaberan di sala 2024an de.
Rapora ku ji 23 rûpelan pêk hat, diyar kir ku %73 ji girtinan li Sûriyê dibin windakirina bi zorê, û bal kişand ser ku rêjîm berpirsiyar e di ber 88% ji hejmara giştî ya girtinên kotekî yên tomarkirî.
Hevbendiya Niştimanî ya Sûrî tekez kir ko Rêjîma Esed berdewam e di operasiyonên girtin û eşkencekirinê de li gelek navçeyên Sûriyê, û bal kişand ser ko girtin û eşkencekirin reftareke sereke ya rêjîma Esed e û yek ji awayên bingehîn ên tepeserkirina gelê Sûriyê ye ji bo vemirandina şoreşê û bêdengkirina dijberan.
Jêder: Ofîsa Ragihandinê ya Hevbendiya Niştimanî ya Sûrî
