Enes Abda, serokê Hevbendiya Niştimanî ya hêzên şoreş û rikberiya Sûriyê, îro roja pêncşemê li bajarê Azaz li gundewarê bakurê Helebê bi nûnerên koçberên Homsê re civiya, û ligel wan rewşa derbider û koçberan li bakurê Sûriyê, û pêşhatên siyasî yên dawiyê gotûbêj kirin.
Abda di civînê de got ku Hevbendiya Niştimanî rijde li ser parastina mafên gelê Sûriyê, nemaze vegerandina koçber, derbider û penaberan li deverên wan yên resen, piştî bidawîbûna veguhastina siyasî ya tam, wek hatiye di teksta biryara 2254 de.
Wî oparesyonên koçberkirina bi darê zorê ji aliyê rejîma Esed û sponsorên wê ve ji hemû deveran ber bi bakurê Sûriya ve, wekî tawanên şer ên aşkere dane zanîn, û got ku ev oparesyon beşek ji stratejiya rejîmê û sponsorên wê ne, ji bo peydakirina guhertineke demografî berfireh di binyata civaka Sûrî de.
Û tekez kir ku xemsariya civaka navdewletî ronahiya kesk da rejîmê ji bo pêkanîna tawanan li dijî sivîlan, û got ku ev tawan bêsiza derbas nabin, çendî dem dirêj jî bike.
Abda diyar kir ku plana hikûmeta Sûrî ya demkî, bernameyên taybet hene ji bo piştgirîkirina koçberan li deverên rizgarkirî, û daxwaza hevkariyê ji her kesî kir, ji bo baştirkirina rewşê û arîkariya pêşxistina rewşa karûbarê xizmetgozariyê.
Jêder: Ofîsa Ragihandina Hevbendiya Niştimanî Sûrî
