Serokê Hevbendiya Niştimanî ya hêzên şoreş û rikberiya Sûriyê, Enes Abda, îro roja şemiyê, di serdanekê de ji bo parêzgeha Idlibê, civinek ligel hejmarek ji nûnerên rêxistin û dezgehên sivîl û xizmetgozariyê yên wê parêzgehê li dar xist, di gerekê de ji bo gotûbêjkirina pêşketinên dawî yên li bakurê Sûriyê, ku rastî êrîşeke dijwar dibe her ji meha nîsana borî ve ji aliyê rejêma Esed û Rûsya.
Di civînê de hin riyên pêkan ên siyasî, xizmetgozarî û mirovî hatine gotûbêjkirin, ji bo piştgirî û xurtkirina xweragiriya welatiyên sivîl li hemberî kampanya hovane ya bi armanca ferzkirina rêbaza leşkerî ya rejîmê û alîgirên wê dibe.
Abda behsa plana desteya serokatiyê û siyasî ya nû ji bo pêşvebirina karê Hevbendiya Niştîmanî û saziyên wê kir, û tekezî kir li ser girîngiya derbaskirina şaşîtiyên berê û pêşxistina dezgehên şoreşê; da ku bikaribin bi pêşkêşkirina xizmetê ji bo welatiyên sivîl li deverên rizgarkirî rabin.
Wî pesnê hemû çalakvanên sivîl da yên hêjî xebatê dikin li navçeyên rastî binpêkirinên cidî dibin, û di bin şert û mercên dijwar û zehmet de dijîn, û da zanîn ku ev qurbanî xizmeta şoreşê û sivîlan dikin, û “dê nayên ji bîrkirin û wê bimînin di bîra xelkê de”.
Abda, di wê civînê de diyar kir ku ji aliyê Hevbendiya Niştimanî ve, têkiliyên berfireh ligel dewletên piştgir ji şoreşa sûrî re û Netewên Yekbûyî hatine pêkanîn ji bo rawestandina bombebaran û êrîşên leşkerî li ser dever û dezgehên sivîl û bijîşkî.
Abda da zanîn ku Hevbendiya Niştimanî bal û girîngiyeke sereke dide ji bo welatiyên sivîl li Idlibê û got: “Rênimaya me ya bingehîn ew e parastin û xizmetkirina bi milyonan kesên sivîl yên li deverên rizgarkirî ne,” û bal kişand ku armanckirina welatiyên sivîl, tawaneke şer e divê li gor yasa navnetewî bê dadgehkirin.
Jêder: Ofisa Ragihandina Hevbendiya Niştimanî ya Sûrî
