Hevrêzkarê Desteya Sûrî ya Karûbarê Girtiyan û endamê desteya siyasî ya Hevbendiya Niştimanî ya hêzên şoreş û rikberiya Sûriyê, dît ku rejîma Esed piştî heşt salan ji kuştin, wêrankirin û koçberkirinê, hîn jî hikumraniyê li Sûrîyê bi girtin, îşkence û jinavbirina fîzîkî dike, û bal kişand ser ku serbestberdana girtiyan û parastina sivîlan berpirsiyariyek navnetewî ye, û em daxwaz dikin ku cîhan bicî bîne.
Al-Ferhan got ku siyaseta sîstematîk ya rejîma Esed xuya ye di binpêkirina prensîbên dadweriya navdewletî û mafên mirov de, û divê rêşûnên kartêker bêne standin li hember kiryarên wê yên sivikatiyê bi biryarên Encumena Ewlehî û peymanên navdewletî dike, ji bo rawestandina tawankariyan û qerebokirina qurbaniyan û sizadana tawanbaran.
Al-Ferhan got ku tevî tundûtûjiya domdar ya ji hêla desthilatê ve, lê handerên nû hene li ser dakokîkirina li heman daxwazên serhildana gelê Sûriyê û xwepêşandanên aştiyane yên ji heşt salan ve, û bal kişand ku ti alternatîfek nîne li şûna çûna rejîmê ku ew bûye metirsiyek li ser ewlehî û aştiyê û berdewamiya pêkanîna tawanên şer û dijemirov derheqa gelê Sûriyê.
Al-Ferhan pesnê xwepêşandanên du rojên borî da, ku ji aliyê deh ciwanan li bajarên “Mireba” û “Hît” li gundewarê parêzgeha Der’a hatibûn organzakirin, ku daxwaza serbestberdana girtiyan, rawestandina binçavkirinan kirin, û nerazîbûna xwe nîşan dan li hember hebûna milîsên Iranî li deverê.
Li gorî çalakvanan, pankart ji hêla xwepêşanderên bajarê Mireba hatin bilindkirin li ser hinan hatibû nivîsandin: “Ti cihê Iran û Hîzbûllah di nav me de nîne”, “Bila girtiyên me ji zindanan derkevin”, “azadî ji bo girtiyên di zindanên rejîmê de”, “û” gel daxwaza serbestberdana girtiyan dike”.
Herwiha ji hêla xwenîşanderan ve li bajarokê “Hît” li parêzgeha Der’a pankart ji bo dîtina çareserîyê ji xirabûna rewşa aborî re, dijberiya gendeliya darayî û dupatkirina prensîbên şoreşa Sûrî ji bo azadî û rûmetê hatibûn bilindkirin.
Ku zêdetir ji du hefteyan ne, li bajar û gundên Der’a, xwepêşandanên cemawerî têne organîzekirin, ji bo serbestberdana girtiyan û protestokorina binçavkirina bêserûber ya ji aliyê hêzên ewlekarî û hêzên rêjîmê ve dibe, û xwepêşanderan di her xwepêşandanên xwe de dakokiyê li ser derkirina milîsên mezhebî yên Iranî ji parêzgehê dikin.
Jêder: Ofisa Ragihandina Hevbendiya Niştimanî Sûrî.
