Endamê Desteya Siyasî ya Hevbendiya Niştimanî ya Sûrî Ebdilmejîd Berekat, got ku tiştê ku Wezîrê Derve yê Rûsiya Sergey Lavrov derbarê vegera rijêmê bo Komkara Erebî, derketineke eşkere ye ji rêya çareya navdewletî, û ew derveyî biryarên navdewletî ye.
Û Berekat di daxwiyeneke rojnemevanî de bo rojnameya Eelrebî Elcedîd, duh, bal kişand ser ku tevaya dozên hatine behiskirin wek vegera penaberan, nûavakirin û vegerandina Sûriyê bo Komkara Erebî, hemû dozên sereke ne û ew bi xwe encamên pirosesa siyasî ne, û berî pirosesa siyasî nayên.
Û Berekat got: Dema ku pirosesa siyasî bi awayekî tam cîbicî bibe û biryara navdewletî 2254 bi awayekî tam cîbicî bibe, û pşêdeçûn di pirosesa siyasî de hebe û li dawiyê bighêje guhartina siyasî li Sûriyê, wê demê dê axaftin li ser vegera penaberan û nûavakirinê çêbibe, û têkliya Sûriyê bi Komkara Erebî re nûjen bibe.
Û Berekat dît ku axaftina li ser encaman berî destpêkirina pirosesa siyasî, derketineke diyar e ji rêya navdewletî, û bal kişand ser ku daxwiyaniyên Lavrov weke hewldana paşxistina tevaya bizavên navdewletî ye, yên ku ji bo rêya cîbicîkirina biryara navdewletî têne kirin.
Û Endamê Desteya Siyasî di bîr anî ku Hevbendiya Niştimanî pirê caran ji Şanderê Navdewletî re û ji tevaya dewletên xwedî bandor di doseya Sûriyê de re tekez kir ku ti çareya mirovahî ji dozên siyasî re tune ye, û tiştê ku Lavrov li ser diaxive, wek hilanîna cezayan û nûavakirin û vegera penaberan, bi tevaya xwe dozin giring in, lê çênabe ku ji aliyê rijêmê û Rûsiya û hevalbendên rijêmê ve bo jikarxistina pirosesa siyasî bikar were.
Jêder: Ofîsa Ragihandinê ya Hevbendiya Niştimanî ya Sûrî