Sekretêrê Desteya Siyasî ya Hevbendiya Niştimanî ya Sûrî Ebdulmejîd Berekat, got ku vegerandina rijêma Esed bo nav Komkara Erebî û berî wê gavên asayîkirina têkliyan bi rijêmê re, xizmeta aramiyê li Sûriyê nakin, û ne jî derdeseriyên sûriyan kêm dikin.
Û di daxwiyaniyên xwe yên ji malpera “Erebî 21″re, got ku hê jî sedemên rawestandina endametiya rijêmê di Komkarê de berdewam in, û cihê wê yê rasteqîn dadgehên navdewletî ye, û dît ku normalkirina têkliyan bi awayekî bê beramber bi rijêmê re beşdariyê di pêkanîna hêviyên Sûriyan de nake, û careka dî helwesta Hevbendiya Niştimanî ya ku red dike dosyaya Sûriyê bibe cihê bazarên herêmî diyar kir.
Û Berekat tekezî li ser pabendbûna Hevbendiya Niştimanî bi cîbicîkirina biryarên navdewletî yên girêdayî pirsa Sûriyê û di pêşî de daxwiyaniya Cinêvê û biryarên 2118 û 2254 kir, û daxwaza gihiştina veguheztineke siyasî ya rasteqîn ji bo welat kir.
Jêder: Ofîsa Ragihandinê ya Hevbendiya Niştimanî ya Sûrî