Serkretêrê Desteya Siyasî ya Hevbendiya Niştimanî ya Sûrî Ebdilmejîd Berekat, tekez kir ku rijêma Esed û piştgirên wê ji milîsên terrorist ên dîtir, Sûriya kirin zeviyê mayînan bi dirêjiya salên bûrî ew jî bû sedem ku tawanên dermafê sivîlan berdewam bikin.
Ev jî îro di boneya roja navdewletî bo Hişyariya ji Mayînan û Alîkariya di Rêşûnên Girêdayî Mayînan de hat, yaku dikeve roja çarê nîsanê ji her salê.
Û Berekat tekez kir ku bûyerên teqîna mayîn û şûnmayên cengê bi awayekî rojane pêk tên, û bi wê sedemê qurbaniyên sivîl dikevin, ji ber ku hêzên rijêmê mayîn bi awayekî bêserûber li bêhtirê deveran çandine, û bal kişand ser ku rijêmê bi mebest ew mayîn ranekirine, daku nehêle sivîl bi awayekî rasteqîn li mal û xaka xwe vegerin.
Û Tora Sûrî ya Mafên Mirovan, di rapora xwe yaku vê dawiyê derketiya de diyar kir ku 67 sivîl li Sûriyê di heyva adara 2022 hatine kuştin, 20 zarok û 3 jin di nav wan de hebûn, û 7 sivîlan canê xwe di bin îşkencê de ji dest dan, û bal kişand ser ku mayînên zemînî bûn sedema kuştina 27% ji qurbaniyan.
Û ji aliyê xwe ve Berevaniya Sivîl di raporekê de bal kişand ser ku tîma bi ser Berevaniya Sivîl ve sala 2021 û çaryeka pêşîn ji sala 2022 bersiva 20 teqînên şûnmayên cengê da, yên ku têde 15 kes hatibûn kuştin, 8 zarok di nav de hebûn, û 27 kes birîndar bûn.
Û li gorî rapora salane ya Hevpeymaniya Navdewletî dijî teqemeniyên goşeyî û helmeta navdewletî ya qedexekirina mayînên zemênî ICBL-CMC, Sûriyê hejmara herî bilind di sala 2020an de bi hejmara qurbaniyên ku hatine kuştin û yên birîndar bûne bi sedema mayînên zemînî û şûnmayên cengê tomar kir.
Û raporê kuştin û birîndarkirina 2729 kesan li Sûriyê bêhtirê wan sivîl bûn û nîvê wan zarok bûn belge kir, ji hejmara 7073 kesan yên ku hatine kuştin an birîndar bûne di sala 2020 de bûn, û raporê bal kişand ser ku serhejmariya qurbaniyan yaku li Sûriyê tomar bûye ya herî bilind di salekê de bû, ji dema ku rawengehê dest bi hejmara qurbaniyên mayînan li Sûriyê di sala 1999 de kiriye.
Jêder: Ofîsa Ragihandinê ya Hevbendiya Niştimanî ya Sûrî
