Berevaniya Sivîl a Sûrî, tekez kir ku rewşa xelkê deverên rizgarkirî li bakurê Sûriyê bi derbasbûna nîv heyvê di ser bidawîhatina destûra derbaskirina alîkariyên mirovî di dergehê Bab Elhawa re, her ku diçe xirabtir dibe, ji ber keysanîna Rusya ji dosyaya mirovî li Sûriyê.
Û Berevaniya Sivîl got ku berdewamiya siyasîkirina dosya mirovî ji aliyê Rusya û rijêma Esed ve, dê rasterast bandorê li jiyana bêhtir ji 4.8 milyon sivîlên ku di rewşeke tirajîdî de li bakurê rojavayê Sûriyê dijîn bike.
Û Berevaniya Sivîl amaje bi wê yekê kir ku berdewamiya êrîşên leşkerî yên rijêmê û Rusya, dê hewcedariya xelkê ji pêdviyên lezgîn ên ji bo mana li jiyanê kûrtir bike, û derdeseriyên sivîlan yên ku bi sedema cengê û bobelata erdheja wêranker derketin mezintir bike.
Û Berevaniya Sivîl bal kişand ser ku ji mafê Sûriyan e ku alîkariyên mirovî werbigirin, li ser bingeha pirensîpên ku di yasayên mirovî yên navdewletî de hatine destnîşankirin, û careka dî tekez kir ku gihandina alîkariyên ku giyanan rizgar dikin ne hewcedarî destûrdana Encumena Ewlekariyê ya Navdewletî ye, û çarçoveyeke yasayî maf dide Netewên Yekbûyî ku alîkariyan ji derveyî Encûmenê derbas bike, li gor ku dana bersiveke bilez û kartêker bo civakên ziyan li wan bûye, garantî bike.
Û Hevbendiya Niştimanî ya Sûrî di daxwiyaniyekê de Tawana Rusya ya bikaranîna mafê redkirinê VETO dijî piroje-biryara Dirêjkirina dema Derbaskirina Alîkariyên Mirovî bo Sivîlên li Bakur Rojavayê Sûriyê şermezar kiribû, ji ber ku ew dibe egera metirsiyeke ku gefê li jiyana bimelyonan Sûriyên ku dikevin bin bandora nemana xwarinê û guhdana pêwîst, dike.
Û Hevbendiya Niştimanî di daxwiyaniya xwe de got ku VETOyê Rusya li dijî biryara dirêjkirina mîkanîzma derbaskirina alîkariyên mirovî bo Sûriyê, tawanek e, û ew jî tevlî zincîra tawanên Rusya dermafê gelê Sûriyê dibe, û dijatiyeke beloq ji vîna civaka navdewletî re ye.
Jêder: Ofîsa Ragihandinê ya Hevbendiya Niştimanî ya Sûrî
