Berpirsekî Hevbendiya Niştimanî ya hêzên şoreş û rikberiya Sûriyê hişyarî da li ser eger ku rêkeftina agirbestê binpê bibe, ew rêkeftina hatî amzekirin li taxa Elwe’r li Himusê, û dît ku ew yek wê bibe hewlek ji bo valakirina taxa Elwe’r ji xelkê wê.
Û endamê desteya siyasî Mihemed Cocê îro di daxuyaniyeke taybet de got ku Rûsiya piştî amzekirina rêkeftina agirbestê li taxa Elwe’r ligel şoreşgeran, niha dixwaze lihevhatinekê di navbera xelkê taxê û Rijêmê de bisepîne, û bal kişand ku “hin gef ji aliyê Mosko tên xwarin bi bidawîkirina rêkeftinê û dubarekirina bombebaranê di dema ew lihevhatin nayê pesendkirin”.
Cocê diyar kir ku “xelk her corek ji corên lihevhatinê ligel Rijêmê, yan destberdana mal û xaniyên xwe red dikin”, û tekez kir ku “aştiyên tekane nayên pejirandin û Rijêm û hevalbendên xwe van lihevkirina pêk tînin dûrî piroseya siyasî û pêvajoya danustandinan, ya di tekestên biryarên navdewletî de hatiye “.
Cocê tekez kir ku ev kiryar heta radeyeka mezin hevşêweyê kiryarên koçberkirina neçarî û guhertina demografîk in yên tên pêrewkirin ji aliyê Îranê li gelek navçeyên Sûriyê, û hevdem hişyarî da li ser pêkanîna van kiryaran û encamên wê, û dît ku ev yek wê bi awayekî nerênî bandorê li pêvejoya piroseya siyasî li Cinêv bike.
Jêder: Ofîsa Ragihandina Hevbendiya Niştimanî
