Birêvebirê Hecê di Komîteya Heca Sûrî ya Bilind de, Samir Beyreqdar, tekez kir ku rijêma Esed bi tevaya şaxên wê ve li ser derewan ava bûye, ta bi Wezareta wê ya Ewqafê jî, ji ber ku rjêmê derewek belav kiriye û têde dibêje ku îsal hec ji sûriyan re tune ye, û Beyreqdar got ku a rastî berûvajî wan peyvan e, ji ber ku karwanên hecaciyan hîn dighêjin xakên pêroz ji bo ku erkê hecê pêk bînin.
Û Beyreqdar di peyva xwe ya li gel malpera Stîp a Nûçeyan de, got ku ev komîte guh nade derewên rijêma Esed û nerastiyên ku belav dike, ji ber ku çi guherîn derbarê dosya hecê di helwesta Wezareta Hec û Umreyê ya Siûdî de derbarê danûstandina li gel Komîteya Heca Sûrî ya Bilind çênebûye.
Û Beyreqdar cext kir ku eger dosya hecê vegere destê rijêmê, wê demê ew derfeta çûna hecê nade ti kesê ji derveyî deverên di bin kontirola wê de, ji ber ku ew rijêmeke nijadperest e, û rê nade çi sivîlê ji deverên rizgarkirî ku heca xwe bike.
Û got ku Komîteya Heca Sûrî ya Bilind ya ku serpereştiya dosya Heca Sûrî dike, bi baştirîn awayî dosyeyê birêve dibe, û her sûriyekî ku ji çi cih û deverê be, dikare navê xwe bo hecê tomar bike.
Û Beyreqdar bal kişand ser ku rijêm derxistina pesporan ji kesên ku li deverên rizgarkirî dimînin re asteng dike, lewra welatî neçar dibin ku ji bo derxistina pesporan xwe li simsaran bigrin, û berdewam kir û got: Eger rijêm vê dosyê ـ xwedê neke ـ bidest xwe ve bîne, dê bimilyonan Sûrî ji hecê bêpar bibin.
Û Birêvebirê Hecê di Komîteya Heca Sûrî a Bilind de, diyar kir ku hejmara hecaciyan îsal gihişte 22,500 kesî, û tekez kir ku tevaya hecacan birê ketin, û bêhtir ji nîvê wan gihştin wê derê, û hejmarên mane jî li pey hev tên.
Jêder: Ofîsa Ragihandinê ya Hevbendiya Niştimanî ya Sûrî
