Dîma Mûsa cîgira serokê Hevbendiya Niştimanî ya Hêzên Şoreû û Rikberiya Sûrî, xweşhaliya xwe diyar kir derbarê bizavên ku şanderê navdewletî bo Sûryê Pier Piderson ji bo çareseriya siyasî dike, û dibîne ku tiştê wî di rapora xwe ya ji Encumena Ewlekariyê re pêşkêş kiriye “ Erênî bû, ji ber ew hevkok e bi nerîna Hevbendiyê re”.
Û Tekezî li ser giringiya destpêkirina prosesa siyasî di “nêzîktirîn dem de” kir, ji ber ku rijêm bi hemî riyan kar dike ji bo têkbirina çareseriyê astengkirina wê, û bal kişand ku ev têkbirin bi serderiya ne jidil û danîna astengiyan li pêşiya hemî bizavên navdewletî dibe, û ya dawî ew bû dema damezirandina komîta destûrê rawestand, her weha di riya êrîşkirina ser sivîlan û kuştina girtiyan di bin işkenceyê de.
Şanderê navdewletî doh pêncşembê yekemîn rapora xwe ji Encumana Ewlekariyê re pêşkêş kir, tê de tekezî li ser giringiya Operasyona Siyasî ya Tekûz kir, û karkirina li ser tevaya babetên wê li gor biryara 2254 di riya nexşerêyeke giştî re, û destpêkirina komîteke destûrî ya hevseng a tevaya pêkhateyan li xwe bigire û cihê baweriyê be, di zûtirîn dem de.
Û Mûsa tekezî li ser giringiya veguhestineke siyasî ya tekûz li welat kir, li gor tekestên biryarên navdewletî û di serî de daxuyaniya Cinêvê û biryara 2254, û got ku Hevbendî bi xurtî kar dike li ser gihiştina “ Çareseriyeke siyasî ya berdewam di bin çavdêriya Netewên Yekbûyî de”.
Û got: “ Em tekeziyê dikin ku karê me yê siysê tev ji bo gihiştina çareseriyeke siyasî ye, ya ku daxwazên gelê Sûryê û avakirina welatekî demoqrat û firehalî yê jiyaneke bi rûmet ji tevaya hevwelatiyan re di bin siya yasa û wekheviyê de dabîn bike.
Û weha jî got “Em hîn bi erênî serederiyê bi tevaya bizavên ji bo vê çareseriyê dibin re dikin, û bi taybetî li gel şanderê navdewletî bo Sûrê”, û tekezî li ser giringiya nûnertiya jinan ya bi rastî di çareseriya siyasî de kir.
Û bal kişand ser ku çareserî li Sûryê çênabe, bêyî proseseke siyasî ya tekûz a ku veguhestineke rastî dabîn bike, tevlî desteya hukumraniya veguhêz, û proseseke destûrî ya nû bi destê jin û mêrên Sûryê bê nivisîn, û helbijartinên di bin çavdêriyek navdewletî de di jîngeheke hêmin a bêleyen de, ya cihê baweriyê be, ji bo dabînkirina vegera tavaya kesên koçberbûyî.
Û Mûsa ev tişt tev bi çareserkirina dosyayên mirovî ve girêdan, û di serî de faylê girtiyan yê ku Piderson behsa wî di rapora xwe de kiribû, dema behsa giringiya pabendiya bi yasayên navdewletî û parastina sivîlan û rawestandina dijminkariyan kiribû.
Jêder : Nivîsgeha Ragihandinê ya Hevbendiya Niştimanî ya Sûrî