Bedir Camûs, Cîgirê serokê Hevbendiya Niştimanî ya hêzên şoreş û rikberiya Sûriyê, tekez kir ku desteya hikûmraniya veguhîz bingeha pêvajoya veguhestina siyasî ye, li gorî biryarên navnetewî yên derbarê Sûriyê, bi taybetî daxuyaniya Cenevê û biryara 2254.
Camûs îro di daxuyaniyeke taybet de ragihand ku Hevbendiya Niştimanî hewla dîtina çareseriyeke siyasî ya berdewam di bin çavdêriya Netewên Yekgirtî de dide, li gorî biryarên navnetewî li ser bingeha gotûbêjên Cinêvê.
Û Camûs got ku nûnerê navnetewî ji bo Sûriyê Gere Pederson di destpêka wergirtina posta xwe de behsa prosesa siyasî ya berfireh kir, û ev tişt “Cihê hêviyê ye”, û bal kişand ser ku Hevbendiya Niştimanî piştgiriya vê yekê dike, û nerîna wî bi çareseriya siyasî re digunce.
Û got ku Hevbendiya Niştimanî: “Boçûna xwe li ser bingeha daxwaz û xebata gelê me ya bi dirêjahiya heşt salên dawiyê ava kiriye”, û diyar kir ku pêvajoya destûrî û hilbijartin û desteya hikûmraniya veguhêz pakêteke berfireh e, û hemû dibin beşek ji pêvajoya veguhestina siyasî ya berfireh.
Camûs piştrast kir ku rêjîm hewl dide astengiyan ji pêvajoya siyasî ya rasteqîn re derxîne, û got: “Em dizanin ku rejîm hewl dide pêvajoya siyasî ji naveroka wê vala bike, û hewl dide ku ji pêvajoya veguhestina siyasî derkeve”, û tekez kir ku ev kar “çareseriyeke siyasî ya rast” a bikeve berjewendiya gelê Sûriyê de encam nade.
Jêder: Ofîsa Ragihandina Hevbendiya Niştimanî ya Sûriyê
