Cîgirê serokê giştî yê Hevbendiya Niştimanî ya hêzên şoreş û rikberiya Sûriyê, Bedir Camûs, tekez kir ku rêjîma Esed û Îran berpirsyarên damezrandina milîsên mezhebî li Iraq, Sûriya, Libnan û Yemenê ne, û di nav wan milîsan de “Hereketa Elnicba” ya navê wê ji aliyê Amerîkayê di nav rêxistinên terorîst de hatiye.
Camûs, îro çarşemê di daxuyaniyekê taybet de got ku armanc ji damezrandina van milîsan ew e, gurkirina pevketina mezhebî û peydabûna rêxistinên terorîst wek rêxistina çeteyên DAIŞ û El-Qaîde, ku bûne sedema ajawegeriyê di nava civakên wan welatan de, û herdu rejîm ji bo heman armancê dixwazin alîkariya wan bikin ji bo bicihanîna armancên xwe.
Wî bal kişand ku tevlîkirina “Hereketa Elnicba” di nava lîsteyên terorê yên Amerîka de, û tevlîkirina baskê siyasî yê Hizbullah jî di nav lîsteya terorê de, gaveke baş e”, lê di heman demê de got ku ew “dereng hat û pêwîstî bi çalakiyên girantir heye”.
Cîgirê serokê Hevbendiya Niştimanî got ku tevî çêkirina van lîsteyan jî, lê di heman demê de berpirsyarên sereke yên van milîsan hêjî radibin bi pêkanîna tawanan li dijî sivîlan, û hêjî di hundir Netewên Yekbûyî û Konseya Ewlekariyê de danpêdan bi wan dibe, û got: “baştir bû ku rêjîma Esed û Îranê hatiban xistin di nav lîsteya terorê”.
Wî daxwaza nehêlana danpêdana navnetewî û zêdekirina fişaran li ser wan kir, û sizadana tawanbarên mezin ên li Sûriyê û welatên din.
Wî bal kişand ku standina gavên cidî yên din dê piştgiriyeke mezin bide ji bo pêşxistina pêvajoya siyasî li ser bingeha cîbicîkirina daxuyaniya Cinêvê û biryara 2254, ji bo gihiştina qonaxa siyasî ya tekûz li welêt, ya asayîş û aramiyê li herêmê peyda bike.
Jêder: Ofîsa Ragihandina Hevbendiya Niştimanî ya Sûriyê