Dîma Mûsa, Cîgira Serokê Hevbendiya Niştimanî ya hêzên şoreş û rikberiya Sûrî, û Serokê hikûmata demkî ya Sûrî, Abdul Rahman Mistafa, beşdarî semînerekê bûn li navenda “SITA” ya lêkolînên siyasî, aborî û civakî li Tirkiyê, di bin sernavê “Aramî û Nûavakirin li Sûriyê”.
Herwiha di semînarê de, Ramî al-Doş serokê encûmena hozên Sûrî, Dr. Wacîh Juma, serokê encûmena turkmenên Sûrî, nûnerê Komeleya Sûrî ji bo rûmetiya hevwelatiyê Lebîb Nehas, hejmarek sazî û dezgehên medya û lêkolînan, û tevî berpirs û diplomatên balyozxaneyên welatên li Enqerê beşdar bûn.
Xanim Dîma Mûsa axaftunek li ser proseya siyasî û pêşhatên dawîn pêşkêş kir, bal kişand ser rawestandina prosesa siyasî bi dakokiya rejîmê li ser têkildariya nerast, û berdewamiya li ser operasyonên leşkerî li dijî deverên rizgarkirî, û bombebarankirina deverên niştecî û sivîlan û saziyên bijîjkî, ku bû sedema zêdebûna hejmara koçber û penaberan.
Mûsa behsa karê Komîteya Destûrî kir, û tekez kir ku komîte dergehek e ji bo çareseriya siyasî, herwisa wek derfetekê ye ji bo taqîkirina cidiyeta civaka navdewletî li hember dîtina çareseriyek domdar li Sûriyê bi riya veguheztina siyasî ya rastîn.
Wê tekezî kir li ser giringiya ku çareserî bi riya prosesek siyasî ya berfereh li gorî biryarên NY be, ku pêdiviya wê bi vekirina spetên mayî yên di biryara 2254 ya Encumena Ewlekariyê de heye, û bal kişand ku pêdiviya vê yekê bi peydakirina jîngeheke ewle û bêalî û xebatek cidî li ser dosya girtiyan heye, û da zanîn ku bêyî dabînkirina van tiştan dê encamên karê Komîteya destûrê bê wate bin.
Ji hêla xwe ve, Abdul Rehman Mistefa behsa girîngiya karê hikûmeta demkî kir di birêvebirina deverên rizgarkirî de, û tekezî li ser nêrîna xwe derbarê rêveberiya medenî û rêveberiya aqlane kir , tevî zêdekirina ewlehî û aramiyê, û pêşkêşkirina karên baş ji nişteciyan re, nemaze di warê tenduristî û perwerdehiyê de.
Wî bal kişand ku ji aliyê hikûmet demkî pêgavên baş di avakirina saziyên dadweriyê de hatine avêtin, bi mebesta bidestxistina aramiyê û kontrolkirina rewşa ewlehî û cudakirina dozên taybet yên leşkeran, bi riya avakirina dadgeha takekesên leşkerî.
Wî herwiha behsa encamên girîng yên oparesyona “Kaniya Aştiyê” kir, û diyar kir ku divê biryarên bilez ji bo destwerdana herêma rojhilatê Firatê bêne standin, û diyar kir ku temamkirina cîbicîkirina peymanên peywendîdar bi tevahî, dê bibe destpêka pêşkeftin û geşepêdana bakurê Sûrî û avakirina saziyên ku nûnertî û parastina gelê Sûrî bikin, û beşdarî piştgiriya çareseriyek siyasî ya berfireh bikin.
Wî tekez kir ku karê hikumeta navborî giring û tekûzker e ji xebata Komîteya Destûrî û proseya siyasî bi gelemperî re, di heman demê de tekez kir li ser pêdivîya domandina fişara navdewletî li ser rêjîma Esed ta ku çareseriyek siyasî peyda bibe, û bibe sedema pêkanîna biryarên 2254 ya Encumena Ewlekariyê, û gavên rast bavêje li ser riya veguheztina siyasî ya tekûz.
Jêder: Ofisa Ragihandina Hevbendiya Niştimanî Sûrî
