Cîgirê serokê Hevbendiya Niştimanî ya Hêzên Şoreş û Rikberiya Sûrî, Uqab Yihya, tekez kir ku ti alî nikare nerîna xwe li ser çareseriya siyasî li Sûriyê ferz bike, û got ku çareserî li Sûriyê bi cîbicîkirina biryarên navdewletî ye, û di serê wan de beyana Cinêvê û biryara 2254.
Ev daxwiyanî da dema beşdariya wî di workşopekê de derbarê “ Sînaryoyên Pêşketina Rewşê li Sûriyê”, bi vexwendinekê ji Navenda Heremon a vekolînên hemdemî, bi amadebûna hejmarek ji vekolîner û siyasiyan.
Û piraniya gengeşeyan li ser pêvajoyên şoreşa Sûrî û qeyrana navdewletî û bandora destêwerdanên derekî , û ketwara dezgehên şoreşê, ta texmînkirina sînaryoyên pêşbînkirî.
Û beşê vekolînan li Navenda Heremon kaxezek giştgîr pêşkêş kir, piştî gengeşa li ser naveroka wê hat kirin, û nerînên ji bo pêşxistina wê hatin dan, da wek kaxezeke pesendkirî ji aliyê Navenda Heremon bê pejirandin, û wê biweşîne , piştî nerîn û pêşinyar û zêdekirinên beşdarên workşopê.
Û çîgirê serokê Hevbendiya Niştimanî di başdariy xwe de diyar kir ku gihiştina çareseriyeke siyasî hewcedarî erêkirina nûnerên gelê Sûriyê ye, û tekez kir ku Hevbendiya Niştimanî pabend e bi neguhêrên şoreşa Sûrî û mafên gelê wê yên bidestxistina azadî û rûmetê û rizgarbûna ji rijêma stemkar.
Û Yihya bal kişand ser ku daraştina destûreke nû ji welat re, gaveke jidil û bingehîn e, lê wê bê encam be eger jîngeheke hêmin û bêlayen peyda nebe, û got ku ev hewcedarî destpêkirina veguhestina siyasî ye, û ev cewherê pirosesa siyasî ye.
Jêder: Ofîsa Ragihandinê ya Hevbendiya Niştmanî ya Sûrî
