Cîgirê Serokê Hevbendiya Niştimanî Ebdilmecîd Berekat, gotarek di vekirina kongirê veberhênanê yê yekemîn ê ku îro roja çarşemê li bajarê pîşesaziyê li bajarê Ezazê li gundewarê Helebê yê bakur li dar ket pêşkêş kir, têde tekezî li ser pêwîstiya çûna ji qonaxa bendewariya alîkariyên mirovî ber bi qonaxa veberhênanê û piştbestina bi xwe kir.
Û Berekat cext kir ku berê Hevbendiya Niştimanî û Hikûmeta Sûrî ya Demkî ber bi dabînkirina jîngeheke guncav û handana veberhênanê li bakurê Sûriyê ye, û diyar kir ku ev yek di rêya karê rasteqîn ji bo dabînkirina jîngeha ewle û aram ya pêwîst re tê, ji sîstema yasayî ya pêwîst de dest pê dike ji bo misogerkirina veberhênanê û handana li ser zêdekirina berhemdanê di riya geşepêdanên aborî re, û hebûna dadweriya azad û serbixwe û pak bo pêkanîna dadmendî û serdariya yasayê, û xurtkirina hêzên ewlekariyê û polîsên sivîl û bilindkirina asta şiyana wan ji bo dabînkirina ewlehî û aramiyê li nava bajar û bajarok û gundan, û temamkirina pergalê Artêşa Niştimanî bi serkirdatiya Wezareta Berevaniyê bo bilindkirina karînên wê yên berevaniyê li hêlên agirbestê û eniyên şer.
Û got ku karekî dî heye ew jî giringiyê dide xurtkirina rola encumenên xwecihî û şiyanên wan di warê pêşkêşkirina xizmetguzariyan de û hebûna wan li nav Wezareta Rêvebiriya Xwecihî, û bal kişand ser hebûna astengiyan di warê hinardekirina berheman û hawirdekirina keresteyên bingehîn û pêwîstiya hêsankirina tevgera Sûriyan û veberhênerên biyanî di rêya sînor re, her wiha dabînkirina xizmetên benkî, û diyar kir ku ew astengî hatin destnîşankirin ji bo bi hevkariya li gel Hikûmeta Sûrî ya Demkî kar li ser dîtina çareyan jêre bibe.
Û Berekat bal kişand ser wê yekê ku dermanekî sihirbazî bo pêkanîna hemû tiştan di şev û rojekê de tune ye, û di heman demê de çênabe li çi deverekê ji Sûriyê kar bê paşxistin li benda peydabûna jîngeheke guncav bi rêjeya 100%, û diyar kir ku kar ji gelek aliyan ve û di heman demê de dibe bo pêkanîna vê planê, lê ew kar dê bibe mîna giloka berfê, çendî dizîvire mezintir û lezgîntir bibe.
Û got ku deverên rizgarkirî pêşketinek li ser asta hikumdarî û ewlehî û aramî û xizmetguzariyê pêk anîne, li gor salên bûrî, ew jî ji encama hewldanên saziyên hêzên şoreşa Sûrî û civaka sivîl û Karsazên pîşesazî û bazirganî ye.
Û Berekat got: “Baweriya me bi mafê gelê Sûriyê di jiyaneke azad û birûmet û ewle û aram de heye, ji ber ku nayê pejrandin ku derdeserî û tirajîdî berdewam bikin, û nifşekî Sûrî bi temamî di kampên qehr û derdeseriya domdar de bimînin”, û tekezî li ser hilgirtina berpisyariya tam wek rayedarên siyasî yên ku nûnertiya şoreşa Sûrî dikin kir, bo jinavbirina astengiyan û peydakirina sîstemeke zelal û yekgirtî, bo dana destûrên kar ên pîşesazî û bazirganî û dabînkirina hinardekirinê û handana wê ber bi hejmarek mezintir ji dewletan.
Û bal kişand ser ku rewşeke neseqamgîr di alîkariyên mirovî yên ku dighên deverên rizgarkirî li bakurê Sûriyê heye, û got ku di dema nebûna rêkûpêkkirina pêwîst di dosya alîkariyên mirovî de, em hewl didin ku ji pirogramên hawarçûnê yên navdewletî berve xurtkirina şiyanên berhemînanê biçin, û dabînkirina qerzên biçûk bo deverên rizgarkirî.
Û Berekat tekez kir ku Sûriya hewcedarî bizavên tevaya xelkê wê ye, da ku aboriya wê û samanên wê yên mirovî pêşve biçin, û hewldanên bazirgan û veberhêneran û karsazên di vî warî de bilind nirxand, û tekezî li ser giringiya tiştê ku pê radibin bi riya geşepêdan û guhertina rasteqîn di şêweyê civakê de kir, ji encama beşdariya wan di dabînkirina derfetên kar û çakkirina debara jiyanê li deverên rizgarkirî.
Û diyar kir ku derfetên berhemînanê yên guncav li deverên rizgarkirî gelek in, û hêmanên veberhênanê li benda veberhêneran in, û ya herî girîng têde pirbûna karker û pîşesazan e, û keresteyên xam gelek in, û madeyên bingehîn ên çandinî û pîşesaziyê hene, ji bilî jîngeha ku hîn kes têde nexebitiye û tijî derfet e, her wiha sermiyanê mirovî mezin e, û şarezaya pîşeyî ya berfireh û derfetên damezrandina zincîrek ji pirojeyên biçûk hene.
Û Berekat dît ku peydabûna diyardeyên aborî û pirojeyên veberhênanê li deverên rizgarkirî, wan dike nimûneya ku her kes bixwaze lê bijî, û hîn bêhtir berhemînan berfireh bibe, û tekezî li ser pêwîstiya damezrandina pirojeyên berhemînanê li deverên rizgarkirî kir, da ku bibe rê ji bo afrandina nimûneyên serkeftî li Sûriyê, ya ku xewna tevaya sûriyan e, di rêya dabînkirina aramiyê û çespandina ewlehiyê û gihiştina asta ku xelkê me li wê derê netenê nehewcedar bin, lêbelê ew bi xweşî jî bijîn.
Jêder: Ofîsa Ragihandinê ya Hevbendiya Niştimanî ya Sûrî
