Ofisa têkiliyên derve ya Hevbendiya Niştimanî ya hêzên şoreş û rikberiya Sûrî, bi amadebûna hevserokê komîteya destûrî, Hadî Al-Behra, civînek li dar xist ji bo gotûbêjkirina pêşveçûnên herî dawîn yên derbarê karê komîteyê û amadekariyên berdewam yên ji bo lidarxistina yekemîn civîna komîteya Destûrî ya li dawiya vê mehê li baregeha Netewên Yekbûyî li Cenêvê.
Civînê behsa babetên destûrî û boçûnên hatine avakirin bi rêya workşopên ji hêla nûnerên desteya danûstendinê ya Sûrî ve di komîteya destûrî de hatibûn amadekirin, di dema civîna xwe ya dawîn ya li Riyad paytexta Siûdiyê.
Hevserokê komîteya makezagonê tekezî li ser amadebûna ji bo destpêkirina xebata komîteya Destûrî kir, û got ku îro yek bijardeya Sûriyan heye, ji bo avakirina dewletek dad û wekheviyê.
Wî diyar kir ku têgihên girîng hene, nemaze yên têkildarî maf û azadiyan, saziyên ewlehî û leşkerî, tevî proseya hilbijartinê û desthilatdariya sê desthilatên yasadanîn, dadwerî û rêvebirî û dabînkirina serbixweyî û cudabûna wan.
Beşdaran helwesta Hevbendiya Niştimanî ya piştevanîkirina karê komîteya destûrî piştrast kir, û pêwîstiya pêkanîna çareseriyek siyasî li gorî xişteke demkî ya di biryarên navdewletî yên têkildar de, bi taybetî di beyana Cenêv û biryara 2254 de.
Jêder: Ofisa Ragihandinê ya Hevbendiya Niştimanî ya Sûrî
