Hevbendiya Niştimanî ya Sûrî bi Serokatiya D. Nesir Elherîrî, civînek li gel Desteya Serokatiyê di Emîndariya Giştî ya Encûmena Niştimanî ya Kurdî, di riya peywendiyele telfizyonî ya girtî re civînek lidar xist, û hejmarek ji pirsên hevbeş û di pêşî de yekrêziya Rikberiya Sûrî û diyalogên Encûmena Niştimanî ya Kurd bi PYD re pêktîne gengeşe kirin.
Û herdû aliyan li ser dawîtirîn pêşhatên rewşa meydanî, nemaze binpêkirinên rijêma Elesed û piştevanên wê derbarê kêmkirina şer li deverên rizgarkirî pêktînin, li kêleka teqînên ku PKK û Daiş û rijêma Elesed pê redibin axifîn, û bi ser de kêşa Vîrosa Korona û karê ku Hevbendiya Niştimanî û Hikûmeta Sûrî ya Demkî ji bo rûbirûbûna nexwaşiyê û nehêlana belavbûna wê li deverê, hatin gengeşekirin.
Û D. Nesir Elherîrî li ser gavên ku Yekîniyên Artêşa Niştimanî û veghestina baregehên wan bo derveyî bajaran axifî, her weha li ser kombûna wan yekîneyan li ser çeperên şer axifî, daku derfet ji jiyana jiyana sivîl re çêbibe û pilanên hikûmeta Sûrî ya Demkî birêvebiriyeke hişmend xurt bibe.
Û şiroveyek li ser pêşveçûnên pirosesa siyasî û daxwaza Nûnerê Navdewletî bo Sûriyê Ger Pederson ji bo lidarxistina rûniştina siyemîn ya Komîteya Destûrî ya Sûrî di 24 tebaxa dahatî de, li gorî xiştekara xebatên li ser wan li hev kirine pêşkêş kir, û hêviyên xwe bo biserkeftina rûniştinê û qerebokirina dema ku tê de karê Komîteyê hatî rawestandin ji ber belavbûna bêtara Korona li cîhanê anî ziman.
Û Endamên Hevbendiya Niştimanî metirsiyên xwe û metirsiyên pêkhatên gelê Sûrî li tevaya Sûriyê û deverên Rojhilatî Ferêt nemaze derbarê diyaloga ku Encûmana Niştimanêî bi PYD re lidar dixe anîn ziman, û daxwaza zanebûna dawîtirîn pêşketinên wê diyalogê û nerîna Encûmena Niştimanî li ser hejmareke ji pirsan kirin.
Û Endamên Encûmena Niştimanî ya Kurdî tekezî li ser guhdana xwe bi Endamtiya Hevbendiya Niştimanî û Desteya Danûstandinan ya Sûrî kirin, û şiroveyek derbarê têgihîştinên Encûman li gel PYD pêşkêş kirin, û eşkere kirin ku ew li ser dîtina çareyeke giştî li gorî Biryara Navdewletî 2254, ne çara perçyî kar dikin, û tekez kirin ku gengeşeyên wan li ser mijara birîna girêdananê di navbera PYD û PKK bûn, û dîtin ku ew mercekî serekeye ji bo gihîştina rêkeftinê.
Û Endamê Encûmena Niştimanî bal kişandin ku wan nikarîbûn tevaya dozan çareser bikin, û Hevpeyvîn bi PYDe re li ser cîbicîkirina têgihîştinên pirensîpî di navbera herdû aliyan de hîn temam nebûne, û tekez kirin ku divê dever ji hêla xelkê xwe ve were birêvebirin, tevî Dêra Zorê û Reqayê.
Û herdû aliyan rewşa hîndariyê li deverên Rojhlatî Ferat û rêbazên ku PYD li ser xwendekarên deverê sepandine gengeşe kirin, û herdû aliyan tekezî li ser retkirina wan rêbazan kirin, û dîtin ku ew xizmeta pirosesa fêrkirinê û rewşa heyî li deverê nake, û hîn ti danpêana xwecihî an navdewletî jî jêre nebûne, û ew jî sedeme ku dihêle xelkên deverê koçber bibin.
Û herdû aliyan behsa vegera koçber û derbideran bo malên wan, û girtiyên li ba rêjîma Elesed û milîşeyên PYD kirin.
Û herdû aliyan li ser pêwîstiya berdewamiyê di danûstandinên Cinêvê li gorî biryara 2254 û gihîştina çarya siyasî li gorî hêviyên gelê Sûrî bi hemû pêkhatên xwe lihev kirin, û tekezî li ser girîngiya ku hevkarîyeke mezin di navbera herdû aliyan de di qonaxa dahatî de hebe, û kar ji bo xurtkirina pêwendiyan û çareserkirina pirsgirêkên cihê nakokiyê li ser bingehek niştimanî, bikin.
Jêder: Ofîsa Ragihandinê ya Hevbendiya Niştimanî ya Sûrî