Endamê Hevbendiya Niştimani ya Sûrî Mihemed Eldixêm destnîşan kir ku em bi hêvîne encamên êrîşa leşkerî ya çaverêkirî li dijî Esed piştî bikaranîna wî ji çekên kêmyayî re li dijî sivîlên Dûma ya Xûta rojhilat biqasî tawanên wî yên li tevaya Sûriyê bin, û ser û movikên sereke yên Rijêmê bêne armanckirin û kartêkirinê bi şêweyekî yekser li Rijêmê bikin.
Eldixêm got ku Esed gelê Sûriyê netenê bi çekên kîmyayî dikuje, herwiha ku wî bi bermîlên teqîner bi dehên cara zêdetir ji kuştiyên çekên kêmyayî kuştine, û tevlî bikaranîna çekên qedexekirî ji napalim û denemêt û bombên fosforî.
Eldixêm tekez kir ku dema pêwîst bo rûxandina vê rijêma tawankar ya ku teror li navçeyê peyda kiriye û bi dehên milîsên mezhebperist yên terorîst anîne Sûriyê dereng ketiye, ku gelek dem divê ji bo paqijkirina welat ji paşmayên Rijêmê piştî helweşandina wê.
Û endamê Hevbendiyê Behcet Atasî bal kişand ku bikaranîna vîto 12 caran ji aliyê Rûsiya ve -ku dumahîk vîto li roja duhî bû- ji bo parastina tawankar Esed bi şêweyekî bêşermî, û 6 caran ew bikar aniye ji bo parastina wî ji bikaranîna çekên kêmyayî û ji lêkolînê, ku ev yek wek şermezarkirina hevpar ji hevparê xwe re tê, tevî ew wek parastin tê xuyakirin .
Elfedlî got: ku rijêma Esed li çend salên borî tekez kiriye ku ji bilî kuştinê tu riyan nabîne, û gihiştina çareseriyek siyasî ligel wê zehmet e , û herwiha hevpara tawanên wê Rûsiya tekez kiriye ku baweriya wê bi çareseriya siyasî nayê, di riya serhişkiya wê di konseya ewlekariyê de û sûrbûna wê li ser parastina tawankar ji dadpirsînê, yan jî ji neçarkirina wî ji bo gihiştina çareseriya siyasî, ku dawî li kuştin û tawanên wî bê û veguhestina welat bo qonaxa avakirin û aştiyê û demokrasiyê.
Eldixêm cext kir ku gelê Sûriyê hêjayî piştgirî û hevxemiya civaka navdewletî ye ji ber nirxê mezin yê ku ji bo azadî û siyaneta xwe daye, û got ku rewşa Sûriyê gihiştiye asteke ku pêwîstî bi çareseriyeke rasteqîn heye, û tişta xuya dike ku ev yek bi tenê wê bi awayekî leşkerî çareser bibe, û dem hatiye ku rêberên Amerîka û Fransa soza xwe li dijî Esed bicih bînin.
Jêder: Ofîsa Ragihandina Hevbendiya Niştimanî
