Hevbendiya Niştimanî destêwerdana leşkeriya Rûsî ya rasterast di Sûriya de şermezar kir, hevdem tekez kir ku Rûsiya bi vê reftara xweya dijminkarî kiryarên xwe ji qonaxa piştgiriya rêjîma tawankariyê û cînosayîdkirinê yekser veguhest bo qonaxa destêwerdana leşkerî ya rasterast li kêlek rêjîmeke nerewa û li ber ketinê.
Ku îro roja Şembiyê di daxuyaniyeke Hevbendiyê de hat, piştî belavbûna nûçeyên ku şandina hêzên Rûsiya li ser perava Sûriyê û hin firokxaneyan tekez dikin, ev kar nîşana destêwerdaneke Rûşî ya leşkerî bi awayekî rasterast di Sûriya de ye; hêjaye gotinê ku hin helwestên fermî yên Rûsî bi vê destêwerdanê mukur tên û dibêjin ku ew girêbestên berê cêbicê dikin!.
Daxuyaniyê cext kir ku ev destêwerdana Rûsiya ya leşkerî, ku serkirdayetiya Rûsî yekser têxe di cihê dijminatiya miletê Sûriyê de, û hêzên wê li ser xaka Sûriyê dibin hêzên dagîrker, ku ev biyekcarî berovajî berpirsyaretiyên wê yên taybet tên wek Rûsiya Fideral ku erkê wê parastina ewlehî û aştiya navdewletî ye wek dewleteke endama herdemî di Encûmena Ewlekariya Navdewletî de.
Daxuyaniyê bal kişand ku ev Destêwerdana Rûsiya di Sûriya de nikare rêjîmê rizgar bike û ne rewatiyê lê vegerîne, û nejî dikare careke dî wî bide pêş di desthilatê de, herwiha xelkê Sûriyê ji daxwazên azadiyê navegerin, lê wê bibe sedema kuştin û wêrankarî û koçbarkirinek zêdetir (her wek heman destêwerdana Îranê û hizibulah û mêlîşeyên tayifeperist yên Îraqê û Afxanistinê).
Li dawiyê Hevbendiya Niştimanî ev rastî xistin li pêş heryek ji Civaka Navdewletî û Netewên Yekgirtî û Komkara Erebî, û bi taybetî li ber destê miletê Rûsî û têde hat “ku em bihêvî ne ku gelê Rûsî azmûneke afxanî ya din li Sûriya nebînin, ji ber ku gelê Sûriyê wê bêdeng nemînin li hember dagîrkirina welatê xwe û rijandina xwîna zarokên xwe”.
Jêder:Hevbendî
