Duhî roja yekşemê, Desteya Giştî ya Hevbendiya Niştimanî ya hêzên şoreş û rikberiya Sûrî xula xwe ya 43’emîn bidawî kir, têde rewşa penaberên li kampan, û rewşa dijwar ya bi sed hezaran welatiyên sûrî di sir û serma zivistanê de gengeşe kirin, tevî bizav û têkiliyên desteya siyasî ligel hejmarek aliyan ji bo pêşkêşkirina alîkarî û amûrên germkirinê, û herwiha fayilê girtiyan û karê komîsyona niştimanî ji bo karûbarên girtî û bêseruşûnan hat gengeşekirin.
Desteya giştî pêşveçûnên dawiyê yên li Idlib û bandora kiryarên “Heyet Tehrîr el-Şam” û hewldanên wê ji bo kontrolkirina tevahiya navçeyê, û şerê di navbera wê û tabûrên opozisyonê de, û bûyerên di vê çarçovê de dibin gotûbêj kirin, û civîngeran helwesta Hevbendiyê piştrast kir li ser ku “Heyeta Tehrîr el-Şam” rêxistineke terorîst e, û divê bi carekî bête jinavbirin li Idlibê û li her devereke din, û ligor vîna gel ya li ser redkirina hebûna vê rêxistinê, bi rêya peyman û hevkariya ligel hevalên Tirk, bi awayê misogerkirina parastina welatiyên sivîl, û rê li ber rejîmê û Rûsan û Îranê bigire, da holokosteke berfireh li deverê dibin hinceta hebûna terorê de pêk neynin.
Desteya giştî nerîna Hevbendiyê derbarê yekbûna Sûriyê ya siyasî û cografî, û jinavbirina rêxistinên terorîst ji rojhilatê Firatê piştrast kir, û dupat kir li ser hevkariyê ligel hemû hêzan, û mukumkirina têkiliyan bi hevalên Tirk re di vê herêma giring de.
Desteya giştî pêşketinên dawî yên di warê destpêkirina hin welatan ji vegerandina têkiliyên xwe bi rejîma sûrî re bi hincetên ne guncayî ligel çareseriya siyasî, û ev gav bi hemî nerênî û encamên wê hatin redkirin.
Hevbendiyê cext li ser veguhestina siyasî kir wek bingeh ji bo mokomkirina çareseriya siyasî, û pesnê daxuyaniyên Sekreterê Giştî yê Netewên Yekbûyî, û şanderê navnetewî ya nû ji bo pabendbûna bi çareseriya siyasî da, bi avêtina gavên zelal ji bo derbaskirina babetên destûra bingehîn û hilbijartinan, ji bo bicihkirina veguhestina siyasî û pêdawîstiyên wê.
Hevbendiyê di daxuyaniya xula xwe ya 43’emîn de ya li herdu rojên şemî û yekşemê hatibû lidarxistin, dubare tekezî li ser pêvajoya Cenevre kir wek take rêyeke ji bo pêkanîna çareseriya siyasî ya berfireh li gorî daxuyaniya Cenevre1, û biryara 2254 ya Konseya ewlekariyê.
Jêder: Ofîsa Ragihandina Hevbendiya Niştimanî ya Sûriyê
