Desteya Siyasî ya Hevbendiya Niştimanî ya Sûrî, civata xwe ya rolane bi amadebûna Serokê Hevbendiyê Salim Elmislit û Serokê Hikûmeta Sûrî ya Demkî Ebdilrihman Mustefa û hejmarek mezin ji endamên Desteya Giştî û Wezîrên Hikûmeta Demkî lidar xist.
Û amadebûyan pêşhatên rewşa meydanî û siyasî li Sûriyê û bûyerên siyasî û leşkerî yên navdewletî û herêmî yên bibandor di doseya Sûriyê de berçav kirin, û giringî dan mijara dorpêçkirina ku li ser Deraa Elbeled hatiye sepandin û binpêkirinên ku hêzên rijêmê û milîsên Îranî pêk tînin.
Û Wezîrê Berevaniyê Selîm Idrîs şiroveyek li ser rewşa meydanî û rewşa li parêzgeha Idlibê pêşkêş kir, û ji aliyê xwe ve Wezîrê Tenduristiyê Meram Elşêx li ser pêşhatên danûstandina li gel doseya korona li bakurê Sûriyê û xebatên Wezaretê bo dabînkirina dermên bo tevaya xelkê deverên rizgarkirî axivî.
Û amadebûyan lêkolînek derbarê malûmilkên xelkê Efrînê yên ku ne li deverê gengeşe kirin, û behsa hejmarek ji çareseriyan di wê derbarê de kirin, û tekezî li ser giringiya xwestina alîkariyan ji saziyên hawarçûnê û pêşkêşkirina wan bo xelkên ku vegeriyane malên xwe li deverê kirin.
Jêder: Ofîsa Ragihandinê ya Hevbendiya Niştimanî ya Sûrî
