Desteya siyasî ya Hevbendiya Niştimanî ya hêzên şoreş û rikberiya Sûriyê, îro roja pêncşemê civîna xwe ya asayî lidar xist, û têde encamên xebata ofîs û komîteyan gotûbêj kirin, tevî nirxandina hevdîtinên girîng ên derbarê pêşveçûnên siyasî û meydanî yên di dema borî de.
Civînê bi guftûgoyên li ser seredana dawîn ya bo herêmên rizgarkirî destpê kir, û serdana fermandarên parartêşa artêşa niştimanî, tevî civînên cuda yên berfireh ligel civaka Sûrî û kes û rêxistinên çalak li deverê, û têde giringiya bihêzkirina têkiliyan û dîtina dergehên nû ji bo dabînkirina pêdawîstiyên niştecîhên wan deveran hat piştrastkirin.
Civînê bal kişand li ser serxistina ezmûna rêveberiyê li deverên rizgarkirî, bi rêya bihêzkirina hikûmeta demkî ya Sûrî ji bo pêkanîna nêrîna xwe û avakirina artêşek niştimanî û baştirkirina rewşa xizmetgozariyan, herweha pêşxistina plansaziyek hevgirtî ji bo pêvajoyek hilbijartinê di bin çavdêriyek navnetewî de.
Beşdaran encamên seredana paytexta Amerîka Washington û hevdîtinên li New York li perawêza civînên Civata Giştî ya Netewên Yekbûyî nirxandin, ku ji sê aliyan pêk hatibûn, di serî de civîna bi wezîr û balyozên welatên dost û yên ereb re, û têde bal hate kişandin li ser giringiya cêbicêkirina biryara 2254 bi tevayî, li gorî xişteyeke demî ku têde destpêka desteya hikûmraniya demkî bête destnîşankirin.
Herweha amaje bi dariştina makezagona nû ya ji bo welat hat kirin, ku têra pêkanîna veguhestina siyasî ya rastîn ya li gorî daxuyaniya Cinêvê û biryara 2254 nake.
Aliyê duwem yê serdanê , hevdîtinên bi rêxistinên navdewletî re bû, û daxwaz ji wan hate kirin ji bo pêşkêşkirina arîkariyên mirovî û bijîjkî yên lezgîn ji sivîlan re li deverên ku ji hêla rejîma Esed û piştgirên wê ve têne bombebarankirin. Û beşê dawî yê serdanê hevdîtina bi revenda sûrî re ya li Amerîka bû, û girîngiya rola revenda sûrî û fişarên wê yên li ser rêveberiya Amerîkî ji bo standina helwestên wêrek bo bidestxistina armancên miletê Sûrî û rawestandina rêbaza Îranê ya wêranker li Sûriyê.
Jêder: Ofisa Ragihandina Hevbendiya Niştimanî Sûrî