Desteya sîyasî ya Hevbendiya Niştimanî ya Hêzên Şoreş û Rikberiya Sûrî, civîna xwe ya heftane îro pênşemê bi amedebûna serokê Hevbendiyê Enes Elebde û serokê desteya danûstandinên Sûrî, dr. Nesir Elherîrî li dar xist, û di civatê de behsa bûyerên dawîn li Idliblê û tewanên cengê yên dermafê sivîlan ji hêla rêjîma Esed û Rûsîya ve tên pêkanîn, û dawîtirîn pêşhatên girêdayî pirosesa siyasî gengeşe kirin.
Û endamên Desteya Siyasî tekezî li ser pêwîstiya gava ku Artêşa Niştmanî ya Sûrî avêtiye bo bergirîya Idlibê û Rûbirûbûna rêjîmê û siponserê wê kir, û tekezî kirin li ser giringiya yekrêziya hemû hêzên şoreşgerî bo parastina Idlibê û pêşkêşkirina alîkariyan ji bo nişteciyên parêzgehê yên ta niha xweragir in, an yên piştî topbaranana navçeyên herêmê û avahiyên giştî ji neçarî koçber bûne.
Û endaman careka din ji civaka navdewletî daxwaz kirin ku berpirsyariya xwe ya yasayî û sincî hilgirin, û fişarê li rêjîmê û Rûsiya bikin, da dijminkariya xwe ya li ser Idlibê rawestînin, û hemû şiyanên xwe bilez jibo parastina sivîlan û gihandina alîkariyên mirovahî bo derbider û koçberan bikar bînin.
Ji aliyê xwe ve, serokê desteya danûstandinan ya Sûrî, dr.Nesir Elherî, nerîna xwe derbarê pêşhatên pirosesa sîyasî diyar kirin, û bi endamên desteya siyasî re pêşhatên dawîn derbarê sazkariyên desteya danûstandinê gengeşe kirin.
Jêder: Ofîsa Ragihandinê ya Hevbendiya Niştimanî ya Sûrî