Desteya Siyasî ya Hevbendiya Niştimanî ya Sûrî, civîna xwe ya rolane bi amadebûna Serokê Hevbendiya Niştimanî Salim Elmislit lidar xist, û behsa pêşhatên rewşa meydanî û siyasî li Sûriyê kir.
Elmislit şiroveyek pêşkêş kir, têde li ser hevdîtinên ku di hefteya bûrî de pê rabûye û amadekariyên dawîn bo birêketina kongirê berfireh li deverên rizgarkirî, yê ku dê beşekî berfireh ji cihêreng û curbecur pêkhat û çalakvanên şoreşgerî û sivîl tê de beşdar bibin axivî.
Û Elmislit tekezî li ser pêwîstiya piştgirî û kartêkerkirina karê komîte û ofîsan di çarçoveya çaksaziya ku Hevbendiya Niştimanî pê radibe û nemaze di Komîteya Endamtiyê û Komîteya Cezîrê û Ferat de kir, û bal kişand ser ku rewş li deverên Rojhilatê Ferêt hestyar e, û hewcedarî hîn bêhtir şopandinê ye, her weha karê li ser vegerandina ewlehiyê têde û çespandina aramiyê.
Û Elmislit cextî li ser giringiya berdewamiya xurtkirina têkliyan li gel Dewletên Ereb kir, û temînî li beşê têkliyên erebî di Ofîsa Têkliyên Derve de kir ku pêwendiyan li gel Hikûmeta Kiwêtê ya nû yaku berî çend rojan hatiye avakirin lidar bixe, û pîrozbahiyên xwe bo Dewleta Kiwêtê pêşkêş kirin, û hêviyên pêşketin û aramiyê ji bo gelê kiwêtê xwestin.
Û Cîgirê Serok Ebdilhekîm Beşar li ser hevdîtinên ku li gel girûpek ji çalakvanan li kampên penaberên Sûrî û hevdîtinên dîtir li gel hejmarek ji rojnemevan û nivîskaran li Herêma Kurdistana Îraqê derbarê çareya siyasî û diyaloga Kurdî-Kurdî axivî.
Û Beşar tekez kir ku sûd di diyaloga li gel PYD de tune ye, ger ji Partiya Karkirên Kurdistanê neqete, û tevaya endamên wê ji roihilatê Ferêt derneketvin, û pirogrameke siyasî aşkere raneghîne, têde rawestana xwe li kêleka gelê Sûrî û şoreşa wî tekez bike. Û got ku çi lihevkirina pêre li gor rewşa niha yaku têde di çepera dijî gelê Sûrî de ye, her weha di rûbirûbûna dewletên derdor de ye, nabe. Û got ku ew tişt jî metirsiyê li ser gelê Sûrî nemaze kurdan çêdike, û ne ji berjewendiya kurdên Sûriyê ye ku di vê hevkêşiyê de be, û di rûyê gelê Sûrî de raweste û dijmintiya dewletên derdorê bike.
Û Beşar diyar kir ku karek ji bo şopandina tawanên ku milîsên PYD pêk tînin dibe, û tîmek li ser komkirina belge û delîlên leşkerkirina zarokan li ser destê van milîsan ve dixebite.
Û Hevrêzkarê Ofîsa Şêwerdariyên Stratîcîk Ehmed Remedan, şiroveyek li ser pêşketinên meydanî û siyasî yên dawîn, nemaze lihevkirinên Emrîkî û Rûsî û tevlêbûna rijêmê di doseya bazirganiya keresteyên hişbir de û vekirina Ofîsa Entirpolê li bal rijêmê pêşkêş kir, û di vî warî de hejmarek ji temînî û pêşniyariyan pêşkêş kirin.
Û her yek ji Munzir Siras û Ebdilbasit Ebdilletîf raporek meydanî derbarê rewşa ewlekarî li deverên rizgarkirî û eniyên şer û amadebûna endamên Artêşa Niştimanî ya Sûrî di xalên sengeran de berçav kirin.
Û Hevrêzkarê Ofîsa Belge û Lêkolînan, xwendinek li ser daxwiyaniyên Şanderê Rûsî Elksender Levrintîv pêşkêş kir, û tekez kir ku ew pir nameyan dihewîne, nameyê tekez dikin ku Rûsiya dixwaze astengiyan di çi pêşdeçûnên di pirosesa siyasî û destûrî de çêbike.
Jêder: Ofîsa Ragihandinê ya Hevbendiya Niştimanî ya Sûrî
