Çalakvanên parêzgeha Deraa dezgehên ewlekarî yên rijêma Esed û milîsên Îranî tometbar kirin ku ew li pişt piraniya operasyonên kuştin, girtin û revandinê ne li parêzgehê di meha adarê de, di nava bêserûberiyeke ewlekarî de ya ku ji tîrmeha 2018an ve zêde bûye.
Û Ofîsa Belgekirina Binpêkirinan di Kombûna Azadîxwazên Horanê de, di heyva adara bûrî de kuştina 40 kesî li parêzgeha Deraa tomar kir.
Û Ofîsa belgekirinê ya Kombûnê, 26 operasyon û hewlên kuştinê, yên ku di encamê de 21 kes hatin kuştin, û 8 kesên din jî birîndar bûne, û 5 jî ji hewlên kuştinê rizgar bûne, serjimar kirine.
Û Ofîsê di heyva adara bûrî de girtina 36 kesan yek ji wan jin e ji aliyê hêzên rijêma Esed û lîwaya heştan ve li parêzgeha Deraa belge kir, di heman heyvê de 15 kes ji wan hatin berdan, her wiha Ofîsê revandina 3 kesan li parêzgehê belge kir.
Û Ofîsa Belgekirina Binpêkirinan di Kombûna Azadîxwazên Horanê de, amaje bi wê yekê kir ku hejmara girtiyan li parêzgehê ji hejmara ku ji aliyê Ofîsê ve hatiye belgekirin zêdetir e, ji ber ku malbatên gelek girtiyan ji ber pirsgirêkên ewlekarî, red dikin ku zanyariyan derbarê zarokên xwe bidin.
Jêder: Ofîsa Ragihandinê ya Hevbendiya Niştimanî ya Sûrî
