Tora Sûrî ya mafên mirov diyar kir ku 23502 jin di heyamê şeş salên bûrî de hatine kuştin, û amaje kir ku bi rêjeya 91℅ ji wan li ser destê hêzên Rijêmê hatine kuştin.
Tora navhatî îro bi helkefta roja cîhanî ya Jinê serjimêriyek belav kir û têde diyar kiriye ku nêzîkî 763 jin ji aliyê sekvanên Rijêmê hatine kuştin û ku hêjî 7571 jin di girtîgehan de ne ya jî bêseruşûnin.
Û di derbarê vê yekê, endama Hevbendiya Niştimanî ya hêzên şoreş û rikberiya Sûriyê Riba Hebûş bal kişand ku “jinên cîhanê ahingê bi roja jinê dikin, lê li Sûriyê bi hezaran jin di girtîgehên Rijêmê de dijîn û rastî dijwartirîn êş û azaran dibin, û ji ma daxwaza piştgiriyê dikin ji bo bidestxistina azadiya xwe”.
Hebûş silav şandin ji “jinên Sûrî re yên têkoşer û xweragir li hember rijêma zordariyê ya Bişar ji bo bidestxistina azadiyê heta bi dawiyê”.
Herwiha Dîma Mûsa endama Hevbendiya Niştimanî “bi helkefta roja jinê silav û dirûd şandin ji hemû jinên cîhanê, û bi taybetî bo jina Sûrî ya hêjî gelek qurbaniyan dide û xwiragir maye li dijî hemû şêweyên stem û zordariyê”.
Tora Sûrî ya mafên mirov di raporta xwe de bal kişandiye ku jina Sûrî her ji sala 2011an bi awayekî kara û çalak beşdarî kiriye di hemû wirdekariyên şoreşa Sûriyê de, û niha jin bi awayekî rasterast tên armanckirin bi armanca perawîzkirina rol û dahênana wê.
Jêdet: Ofîsa Ragihandina Hevbendiya Niştimanî
