Endamê Hevbendiya Niştimanî ya Sûrî Yasir Dilwan, tekez kir ku tawanên bikaranîna çekên kîmawî ji aliyê rijêma Esed ve li dijî Gotayê ya berî deh salan, di Bazara Girêbestan de hat firotin, û cext kir ku sistiya civaka navdewletî rijêm han da li ser bikaranîna tawanên cengê bi awayekî berfireh dermafê sivîlan bi dirêjiya 12 salên bûrî.
Û di hevpeyvînekê de li gel rojnameya xwecihî “Ninar Press” Dilwan kêliyên dijwar ên xwe û malbat û meriv û xelkê xwe li Gotayê berî deh salan bibîr anîn, û got ku me kêliyên mîna Roja Qiyametê dîtin, dema ku em bi nûçeya gewre û bûyera mezin re di sibeha 21 tebaxê ji sala 2013an hişyar bûn, û got ku wî wê sibeha zû ji kurê xwîşka xwe rojnamevan Emar Elseîd yê ku şehîd bûye, pêwendiyeke telîfonî wergirtiye û hişyar bûye, jêre gotiye:
-“Divê em biçin Zemelka.
-Xêr e? Çima tu ewqas bilez î?
-Rijêma Esed bi gazên kîmawî li wî derê daye, û birîndar gelek in, lewra divê em bi hewara xelkê birîndar ve biçin.”
Û Dilwan berdewam kir û got ku em çûn wê derê, bi rastî felaket bû. Jin, zarok û mêran, tevan di nav bêdengiyeke tirsnak de jiyana xwe ji dest didan, helwesteke ku zimanê hemû rawenbêjan nikare salx bide. Ên ku me karûbû wan rakin xalên pizîşkî me ew rakirin, û dema ku em gihiştin wê derê me hejmarek mezin ji birîndaran dît, rewşeke tirsnak bû.
Û Dilwan bal kişand ser wê yekê ku gelê Sûriyê li benda liveke navdewletî bûn, li gor xêzên sor yên ku Serokê berê yê Amerîka Barak Obama behsa wan kiribû, û xemgîniya xwe anî ziman derbarê ku ti şopandin û dadpirsîn ji berpirsên wê tawana hovane de çênebû, û got ku mixabin doza kîmawî li bazara girêbestên siyasetê hate firotan, û rêkeftineke etomî li gel îranê çêbû, û gotin ku rijêmê çekên kîmawî radest kirin.
Û Dilwan tekez kir ku sistbûna navdewletî û sizanekirinê û necidîbûna di rûbirûbûna vebir li gel mezintirîn komkujiya kîmawî, ji cenga Cîhanê ya Duyem ve, hişt rijêma tawankar netirse û bidehan komkujiyên kîmawî piştî wê pêk bîne.
Û bal kişand ser wê yekê ku rijêm heya îro nehatiye sizadan, tevî ku Rêxistina Qedexekirina Çekên Kîmawî tekez kiriye ku wê bêtir ji 17 caran çekên kîmawî bikar anîne, û di heman demê de raporên Amerîkî dibêjin ku rijêmê zêdetir ji pêncî carî çekên kîmawî bikar anîne.
Û Dilwan ji Encumena Ewlekariyê û dewletên dost xwest ku tawankarê vê serdemê li ser van tawanan siza bikin, û biryara 2254 ya ku di 18/5/2015an de ji aliyê Encûmena Ewlekariyê ve hatiye derxistin derbarê çareseriya siyasî bi rêya veguhestina siyasî û vegerandina Sûriyê bo cihê wê yê herêmî û navdewletî cîbicî bibe.
Jêder: Ofîsa Ragihandinê ya Hevbendiya Niştimanî ya Sûrî
