Endamê Desteya Siyasî ya Hevbendiya Niştimanî ya Sûrî Ebdilbasit Ebdulletîf, ji civaka navdewletî û bi taybetî ji aliyên ku sîwanê ji milîsên PYDe yên terorîst re peyda dikin, xwest ku fişarê li wan bikin, da ku dest ji leşkerkirin û revandina zarokan berdin, û zaroka bi navê Rawa Elbekrî ya ku berî du rojan ji aliyê milîsên PYDe ve hatibû revandin azad bikin.
Û Ebdulletîf tekez kir ku kiryarên terorîstî yên wan milîsan hîn jî berdewam in, tevî hemû bangewaziyan ku ji dewletên ku piştgiriya wan dikin re tên dan, ji bo piştgiriya wan rawestînin û wan neçar bikin ku kiryarên xwe dermafê nişteciyan rawestînin.
Û Ebdulletîf bal kişand ser wê yekê ku milîsên PYDe yên terorîst dê di kiryarên xwe yên terorîstî dermafê nişteciyan de berdewam bin, eger piştgiriya ku ji wan re tête kirin neyê rawestandin, ew yek jî hewcedarî helwesteke cidî bo sepandina fişarê li ser wan milîsan e.
Û Tora Sûrî ya Mafên Mirovan tekez kir ku milîsên PYDe yên terorîst di 26ê vê heyvê de zaroka bi navê Rewaa Elbekrî, ya ku ji xelkê gundê Meryemîn ê bajarê Efrînê ye, li bakurê rojavayê parêzgeha Helebê, ya ku di sala 2011 de jidayik bûye û niha li taxa Şêx Meqsûd ya bi ser bajarê Helebê ve nişteciye revandin, û berve yek ji navendên leşkerkirinê yên bi ser PYD e ve birin.
Jêder: Ofîsa Ragihandinê ya Hevbendiya Niştimanî ya Sûrî
