Serokê desthilata demkî ya Sûrî Cewad Ebû Heteb diyar kir ko xwendevanên kolîca bijîşkî li zankoya Helebê çend metriyalên xwe di rêya Internetê re, li ser pirogramê hevbeş digel zankoyên Emerîkî dixwînin.
Ebû Heteb seredana kolîca bijîşkiyê û ya bijîşkiya diranan kir, digel wezîrê fêrkirina bilind Ebdulaziz Dixêm û wezîrê perwerdeyê Imad Berq û serokê kolîca Helebê Ebdulqadir Elşêx û hevkarê serokê desthilatê Ebdulah Hemadî û Ebdulrehman Didim birêveberê cîbicîkirinê yê dezgeha “Elsinkerî” û Ezam Xançî birêveberê komela “Mîdad”.
Her weha şandeyê seredan peymangeha amadekirina mamosteyan li gundê Xirbet Elcoz li gundewarê Laziqiyê û nexweşxana Elbirnas û peymangeha Elteqenî ya bijîşkî li peravê kir.
Ebû Heteb diyar kir ko seredanê behsa riyên pêşvebirin û piştgiriya herdu kolîcan kir, û her weha behsa dabînkirina pêdiviyan û temamkirina hejmara taqîgehan û kesên rêveber hate kirin.
Ebû Heteb bal kêşand ser ko sê girêbestên hevpariyê yên nû bi zankoyên Emerîkî re hene, tako xwendevanên kolîca bijîşkî bi xwendin bidin, bêtir got ko ev yek wê asta zanistî ya rêbazên xwendinê bilindtir bike û dê bihêle danpêdanên navdewletî bi zankoyan bibe.
Kolîca bijîşkiyê sala 2015an hate damezirand û niha 400 xwendevan (kur û keç) yên ko bi sedema peyketinên ewlekarî ji hêla rêjîma Esed ve ji xwendina xwe dûr ketibûn têde hene, tevlî xwendevanên nû jî yên ko bawernameya bakalorya giştî ji wezareta perwerdeyê ya desthilata demkî bidest xistine.
Jêder: Nivîsgeha Ragihandinê ya Hevbendiya Niştimanî
