Endama Desteya Siyasî ya Hevbendiya Niştimanî ya Sûrî Selwa Eksoy, tekezî li ser pêwîstiya ku civaka navdewletî fişaran li ser rijêma Esed bike ji bo serbestberdana girtiyan û diyarkirina çarenûsa binçavkiriyên kotekî kir, û cext kir ku girtin li bal rijêmên diktator yên wek rijêma Esed amûrek ji amûrên terorê yên ku rijêmên serkutkar dijî gelên xwe bikar tînin, û ew alî dest ji wê amûrê bernadin bêyî fişareke navdewletî ya mezin û fişareke gelêrî ji hêla xwediyên dozê ve hebe, û tekezî li ser pêwîstiya berdewamiya şopandina doza ku îro têkildarî her welatiyekî sûrî ye li ser asta saziyên navdewletî û gelê Sûriyê kir.
Ev axaftin di komcivîna ku Eksoy têde beşdarî kiriye de hat, yaku Navenda Hermon ya Lêkolînerên Serdemî di çarçoveya çalakiyên Hêviyên Wan Neşikînin di bin navnîşana “doseya binçavkiriyên kotekî li sûriyê..çarenûs û çare çi ne?” de li dar ketiye, û têde Serokê Desteya Niştimanî ya Sûrî ya Karûbarê Girtî û Windayan Yasir Ferhan, û lêkolînerê di Peymangeha Ewropî ya Destpêşxeriyên Siyasî û Analîzkirina Stratîcîk Dr. Basim Hetahit û mafnas û rojnemevan Elî Tebab beşdar bûn.
Û komcivînê behsa astengiyên karê di doseya girtiyan de û rêyên çalak di fişarên li ser rijêmên diktatorî û di serî de rijêma Esed kir, û Eksoy li ser ranebûna civaka navdewletî bi erkê xwe derbarê hilgirtina berpisyariyê bo serbestberdana girtiyan û diyarkirina çarenûsa binçavkiriyên kotekî li ser destê rijêma Esed axivî.
Tê zanîn ku çalakvanên Sûrî berî demekê çalakiyek bi navê “Hêviyên Wan Neşikînin” bo piştevaniya girtî û binçavkiriyên kotekî li bal rijêma Esed birê kiribûn, û armanc ji wê çalakiyê ku nameyekê bighînin cîhanê daku zanibin ku Sûrî bi tevaya pêkhatên xwe li ser giringiya livandina vê doseyê dicivin, û daxwaza derbasbûna hundirê zîndanên Esed û serbestberdana girtiyên di zîndanan de dikin.
Û çalakî bizavê dike ku metingan li hejmarek ji Paytextên Ewropî û deverên rizgarkirî li bakurê Sûriyê wek piştevanî bo girtiyan li dar bixin, her weha vekirina pêşangeheke taybet bi girtiyan û nameyan arasteyî Netewên Yekbûyî û Yekîtiya Ewropa bo livandina vê doseya mirovahî bikin.
Jêder: Ofîsa Ragihandinê ya Hevbendiya Niştimanî ya Sûrî
