Serokê berê yê Hevbendiya Niştîmaniya Hêzên Şoreş û Dijberiya Sûriyê Hadî El-Behra, tekez kir ku berjewendiya Yekîtiya Ewropayê di operasyona siyasî li Sûriyê heye, herwiha di vegera aramiyê de bo deverê jî, ji bo vê yekê divê roleke aktîv bilîze.
El-Behra daxwaz ji Yekîtiya Ewropayê kir ku fişarê li Rûsya bike, da ku hevpişkiya xwe bi rêjîma Esed re di rûbirûbûna gelê Sûriyê de rawestîne, herwiha roleke bi bandor di operasyona siyasî de bilîze, û çareyeke siyasî ku xwestekên gelê Sûriyê bicih bîne bibîne.
El-Behra rola dewletên Kendava Erebî bi erênî di piştevaniya Şoreşa Sûriyê û operasyona siyasî de nirxand, û diyar kir ku berjewendiyên wan yên netewî û ewlehî dihêlin ku dawiyê li teror û sitemkariya ku rêjîma Esed piştevaniya wê dike, û bikar tîne li Sûriyê bînin, û daxwaza bihêzkirina rola wan kir da ku operasyona siyasî bi pêş ve biçe.
El-Behra tekez kir ku gelê Sûriyê di şoreşa xwe de berdewam e heta bidawîanîna rêjîma sitemkar û terorê, û pêkanîna xwestekên wî yên rewa di azadî, rûmet û dadweriyê de, û bidestxistina mafên wî di jiyaneke xweş de mîna gelên din yên Cîhanê.
Herwiha şanda Hevbendiya Niştîmaniya Hêzên Şoreş û Dijberiya Sûriyê roja Çarşemê, gereke xwe ya Ewropî bidawî anî, têde tekez kir ku pêwîste Yekîtiya Ewropayê bi awayekî aktîv çareseriyeke siyasî li Sûriyê bibîne ku dawiyê li êş û azarên gelê Sûriyê bîne, û parastina operasyona siyasî bike, di rêya rizgarkirina rêkeftina agirbestê de.
Ew Şand ji serokê Hevbendiya Niştîmanî Enes El-Ebde, û hejmarek ji endamên Hevbendiyê ku di nava wan de Hadî El-Behra pêk dihat, herwiha wê şandê hejmarek ji hevdîtinan pêk anî, di serî de hevdîtinek bi Nûnera Bilind ya Siyaseta Derve ya Ewropayê re “Federica Mogherini”, ku di wê wê hevdîtinê de behsa pêşhatên herî dawî yên operasyona siyasî, û nehiştina rêjîmê ji gihandina alîkariyan bo deverên dorpêçkirî hate kirin, herwiha berdewamiya rêjîmê di topbarankirina sivîlan û cihên giştî û baregehên tenduristî, û neberdana girtiyan beşekî din yê hevdîtinê bû.
Jêder: Hevbendî
