Endamê Hevbendiya Niştimanî ya Sûrî, Cîgirê Serokê Encûmena Xwecihî ya bajarê Serê Kaniyê, Hisên El-re’ad, diyar kir ku parêzgeha Hesekê û deverên rizgarkirî yên rojhilatê Ferêt, rastî kêmbûna ava vexwarinê tên, ev yek jî metirsiyê li ser jiyana niştecihên wê deverê çêdike, û berpirsyariya tam li ser milê milîsên PYDe yên terorîst e.
Û di hevpeyvîneke televizyonî ya kanala El’erebî de, derbarê kêmbûna ava vexwarinê û ziwabûna parêzgeha Hesekê û deverên rizgarkirî, Elre’ad got ku sedema rasteqîn ya birîna ava vexwarinê ji ser bajarê Hesekê û gundewarên Serê Kaniyê ew e ku çekdarên PYDe yên terorîst elektrîk ji ser bîrên devera Elok birîn, û di encamê de ava ku ber bi gundewarên Serê Kaniyê û bajarê Hesekê ve diherike rawestiya.
Û Elre’ad cext kir ku milîsên terorîst dibin sedem ku av neghê bi hezarên malbat û zarokan, û amaje bi wê yekê kir ku ev kiryar ne dûr in ji rêxistinên serkutkirinê yên nijadperest.
Û ji ber ku westgeha Elok ya li gundewarê Serê Kaniyê take-jêdera sereke ya ava vexwarinê ya ku dighê deverê, nişteciyên deverê dikevin bin gefa metirsiya tîbûn û belavbûna derd û nexwaşiyan.
Tê zanîn ku hefteya bûrî êlên Dêra Zorê karwanek ji 100 tankên( her yek ji wan ji 100 bermîlên avê), û 10 hezar qalibên qeşayê pêk dihatin, ji xelkê Hesekê yên ku ji ber kêmbûna çavkaniyên avê rastî kêmasiyên mezin tên re şandin, weke hevkarî û alîkariyê di sivikkirina derdeseriyên xelkê de.
Jêder: Ofîsa Ragihandinê ya Hevbendiya Niştimanî ya Sûrî
