Serokê Hevbendiya Niştimanî ya Sûrî Hadî Elbehra, tekez kir ku pêwîstiyek lezgîn bi veguhestina ji qonaxa çaverêkirina alîkariyên mirovî ber bi qonaxa berhemdan û xwerêvebirinê heye, di rêya xurtkirina karîna berhemdana welatiyên Sûrî re da rê li ber rûdana bobelatên mirovî yên nû li welêt bê girtin.
Û di hevpeyvînekê de li gel rojnameya xwecihî “Inib Beladî” Elbehra got ku xwepêşvebirinek li deverên rizgarkirî heye, ji ber ku hin niştecihan dest bi avakirina projeyên xwe li ser astên bazirganî, pîşesazî, heta avakirina xaniyan jî kirine.
Û Elbehra bal kişand ser wê yekê ku pêşxistina aborî û xizmetguzarî li bakurê Sûriyê bûyeye armanceke Hevbendiyê û red kir ku têkiliya vê armancê bi projeyên din re hebe, û piştgiriya xwe ji têgeha vegera bi dilxwazî û bi rûmet ji hemû penaberên Sûrî re yên li hemû dewletên penaberiyê anî ziman.
Û got ku Hevbendiya Niştimanî hêvî dike ku karsaz û pisporên Sûrî dest bi hizirkirina bi vegera bo Sûriyê û beşdariya di pirojeya pêşvebirina bakurê Sûriyê de bikin.
Û Elbehra diyar kir ku arasteya niha ya Hevbendiya Niştimanî û Hikûmeta Demkî ew e ku bêhtir karsaz û sermayedarên Sûrî berve deverên rizgarkirî bînin, bo berfirehkirina vî cûreyê karê aborî, û arastekirina bernameyên alîkariyê yên navdewletî ji bo xurtkirina şiyanên berhemdar û misogerkirina alîkariyan û deynên piçûk ji van deveran re, li şûna xwespartina alîkariyên hawarçûnê.
Û Elbehra bal kişand ser giringiya dabînkirina ewlehî û aramiyê ji bo ku karsazan han bidin li ser veberhênanê, û tekez kir ku di vê çarçoveyê de xebatên li ser gavên ku têne kirin hene, lê di heman demê de tekez kir ku ne pêkan e karsaz li benda avakirina jîngeheke ewle ya 100% bin, ji ber şert û mercên ne aram li Sûriyê.
Û diyar kir ku wî sardana gelek kargehan li deverên rizgarkirî yên ku berhemên xwe hinardeyî derveyê Sûriyê dikin kiriye, û got ku tevî şert û mercên dijwar ên niha yên ku li deverên rizgarkirî, kesên veberhênanê dikin hene.
Û got ku plana karê ji bo pêşxistina bakurê Sûrî di warê aborî de ji ber derdeseriya derbideran e, nemaze ku hin malbat ev nêzîkî 13 salan e di kampan de dijîn, û cext kir ku ne pêkan e jiyana nifşekî bi tevahî bi vî awayî bê pejrandin.
Û bal kişand ser ku gava yekem a Hevbendiya Niştimanî ew e, dabînkirina xanîyên demkî yên ku rûmeta mirovî biparêzin û niştecihên wê karibin rûbirûyê şert û mercên dijwar ên xwezayê bibin, û dît ku ev xanî dê derfetan ji zarokan re peyda bikin, da ku xwendina xwe temam bikin, û ji ciwanan re jiyanek aram a ku lê digerin dabîn bibe.
Jêder: Ofîsa Ragihandinê ya Hevbendiya Niştimanî ya Sûrî
