Berdevkê fermî yê desteya danustandinên Sûriyê, Yihiya Ele’rîdî tekez kir ku şanda desteyê li Cenêv amade ye ji bo pêkanîna aştiyê li Sûriyê ligor biryarên navdewletî, û got ku koçber bi vê yekê dikarin vegerin cih û warê xwe û aramî li welat peyda bibe.
Ele’rîdî di daxuyaniyeke kurt de li pêşiya baregeha NY li pêşiya hevdîtina bi şanderê navdewletî û tîma wê re, got ku Opozisyon kar dike ji bo “dabînkirina aştiyê û aramiyê bo xelkê Sûriyê, da ku vegerin malên xwe û bi avakirina welatê xwe rabin, û jiyana xwe bijîn, û em ji boyî vê armancê li Cenêvê ne û amade ne biçin her cihekî”.
Ele’rîdî bal kişand ku vê yekê dikin ji bo ku ” xelkê Sûriyê hest bi aramiyê bikin, û armanc xuyaye, û pabendbûna bi biryarên navdewletî xuyaye, yên li ser piroseya bingeha veguhestina siyasî, û xelkê Sûriyê derbirîna îradeya xwe bikin ji bo helbijartina fermanraniya xwe, û ev yek mafekî wan yê sirûştî ye”.
Ele’rîdî daxwaza rakirina dorpêçkirina li ser xelkê Xûta Şamê kir û got: “xelkê Xûta hêjayî vê yekê ne, û em daxwaza raguhestina zarokan ji bo nexweşxaneya dikin, ku bitenê bi 10 k.m ji wan dûr in, ji bo rihakirina giyanê wan û ev yek jî mafekî wan yê sirûştî ye”.
Jêder: Ofîsa Ragihandina Hevbendiya Niştimanî
