Serokê desteya danustandinên Sûriyê Dr. Nesir Elherîrî û şanda hevrê, duhî roja duşemê li Enqera paytexta Tirkiyê ligel wezîrê derve yê Tirkiyê Mewlûd Cawîş Oglo civiya, û pêşhatên piroseya siyasî û encamên geşta Cenêv ya dawî pêre gengeşe kir.
Herdu aliyan tekez kir ku piroseya siyasî ya li Cenêv dibe, tenha takecih e ji bo serxistina her çareseriyeke siyasî ya ligor daxuyaniya Cenêv û biryarên navdewletî û di serî de herdu biryarên 2118 û 2254.
Elherîrî cext li ser wê yekê kir ku hêjî piroseya siyasî bêyî beşdariya aliyê din dibe, wek amajepêkirinekê li ser berdewamiya şanda Rijêmê di peydakirina behane û hêncetan de ji bo pûçkirina cîbicîkirina biryarên navdewletî û beravîtîkirina veguhestina siyasî.
Elherîrî bal kişand ser giringiya wê yekê ku divê civaka navdewletî û NY bi tevgerekê rabin ji bo rizgarkirina piroseya siyasî ji metirsiya li ser, bi sedema redkirina Rijêmê ji tevlîbûna birastî re di geştên danustandinan de.
Paşî Elherîrî spasiya Tirkiya û gelê wê kir li ser piştgiriya wan ya berdewam ji opozisyona Sûrî û doza gelê Sûriyê re ji bo bidestxistina azadiya xwe.
Jêder: Ofîsa Ragihandina Hevbendiya Niştimanî
